ଓଡ଼ିଆ ବାର୍ତ୍ତା/ ଉତ୍କେଲା (ଅର୍ଜନ ପୋଢ): କେସିଙ୍ଗା ବ୍ଲକ ଗୌଡ଼ ତୋଳା ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ ଯୁବରାଜ ମାଝୀଙ୍କ ସର୍ପାଘାତରେ ଅକାଳ ବିୟୋଗ ହୋଇଥିଲା। ତାଙ୍କର ଏକାଦଶାହ କାର୍ଯ୍ୟରେ କେସିଙ୍ଗା ବ୍ଲକ ଶିକ୍ଷକ ସଂଘର ସଭାପତି ସୁରେନ୍ଦ୍ର ଦୋରା ଓ ଶିକ୍ଷକ ସୁରେନ୍ଦ୍ର ନାୟକ ଯୋଗଦାନ ପୂର୍ବକ ଶୋକ ସନ୍ତପ୍ତ ପରିବାର ପ୍ରତି ସମବେଦନା ଜଣାଇ ଥିଲେ। ଏଥିସହ ଏକ୍ସ କ୍ୟାଡର ଶିକ୍ଷକଙ୍କ ତରଫରୁ ସେହି ପରିବାରକୁ କିଛି ଆର୍ଥିକ ସହାୟତା ପ୍ରଦାନ କରାଯାଇ ଥିଲା। ସଭାପତି ଶ୍ରୀ ଦୋରା ସ୍ବର୍ଗତ ମାଝୀଙ୍କ ସମସ୍ତ ପାଉଣା ତଥା ଅନ୍ୟାନ୍ୟ କାଗଜପତ୍ର ଶୀଘ୍ର କରିବା ପାଇଁ ବ୍ଲକ ଶିକ୍ଷା ଅଧିକାରୀଙ୍କ ଦୃଷ୍ଟି ଆକର୍ଷଣ କରିଯିବ ବୋଲି କହିଥିଲେ।
