ଓଡ଼ିଆ ବାର୍ତ୍ତା/ କଳାହାଣ୍ଡି (ଲିଙ୍ଗରାଜ ମିଶ୍ର): ନର୍ଲା ବ୍ଲକ ବ୍ରାହ୍ମଣ ସମାଜର ସାମୁହିକ ରକ୍ଷା ବନ୍ଧନ ଉତ୍ସବ ନର୍ଲା ବସଷ୍ଟାଣ୍ଡ ଠାରେ ଅନୁଷ୍ଠିତ ହୋଇଯାଇଛି । ବ୍ରାହ୍ମଣ ସମାଜ ପ୍ରଜ୍ଞାବାହିନୀ ନେତୃତ୍ୱରେ ଅନୁଷ୍ଠିତ ଉକ୍ତ ଉତ୍ସବକୁ ପ୍ରଜ୍ଞାବାହିନୀ ସଂଯୋଜିକା ପଙ୍କଜିନୀ ନାଏକ ପରିଚାଳନା କରିଥିବା ବେଳେ ନର୍ଲା ବ୍ରାହ୍ମଣ ସମାଜର ସଭାପତି ବଦ୍ରୀନାରାୟଣ ମିଶ୍ର ସ୍ୱାଗତ ଭାଷଣ ପ୍ରଦାନ କରିଥିଲେ । ନର୍ଲା ବ୍ରାହ୍ମଣ ସମାଜ ପର୍ଶୁରାମ ବାହିନୀର ସଂଯୋଜକ ସମୀର ଚାନ୍ଦ କାର୍ଯ୍ୟକ୍ରମ ସଂଯୋଜନା କରିଥିଲେ ।
ନର୍ଲା ପ୍ରଜ୍ଞା ବାହିନୀର ସଂଯୋଜିକା ପଙ୍କନୀ ନାଏକ ଓ ବରିଷ୍ଠ ସଦସ୍ୟା ବନୀତା ମହାପାତ୍ର ବ୍ରାହ୍ମଣ ସମାଜର ସଭାପତି ଏବଂ ଅନ୍ୟାନ୍ୟ କର୍ମକର୍ତ୍ତା ମାନଙ୍କୁ ପ୍ରଥମେ ବନ୍ଦାପନା କରି ରାକ୍ଷୀ ବାନ୍ଧିଥିଲେ । ଏହାପରେ ନର୍ଲା ବସଷ୍ଟାଣ୍ଡରେ ଉପସ୍ଥିତ ଜନସାଧାରଣଙ୍କୁ ବ୍ରାହ୍ମଣ ସମାଜ ପ୍ରଜ୍ଞା ବାହିନୀର ସଦସ୍ୟା ମାନେ ରାକ୍ଷୀ ବାନ୍ଧି ଭାଇ ଭଉଣୀ ପବିତ୍ର ସମ୍ପର୍କର ନିଦର୍ଶନ ଦେଇଥିଲେ ।
ଅନ୍ୟ ସଦସ୍ୟ ମାନଙ୍କ ମଧ୍ୟରେ ସଂଗଠନ ସମ୍ପାଦକ ବିଜୟ କୁମାର ପଣ୍ଡା, କିଶୋର ଚନ୍ଦ୍ର ତ୍ରିପାଠୀ, ସଞ୍ଜୟ କୁମାର ପଣ୍ଡା, ମନୋଜ ମହାପାତ୍ର, ଅଜୟ ନନ୍ଦ, ଲିଙ୍ଗରାଜ ମିଶ୍ର ପ୍ରମୁଖ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ ।
