ଏକଛତ୍ରବାଦୀ ଶାସକ ମୁଶରଫଙ୍କ ବିୟୋଗ, ଶଶୀ ଥରୁର କହିଲେ ‘ସେ ଥିଲେ ଶାନ୍ତିର ଦୂତ’; ବର୍ଷିଲେ ବିଜେପି ନେତା

ପୂର୍ବତନ ପାକିସ୍ତାନ ରାଷ୍ଟ୍ରପତି ତଥା ଅବସରପ୍ରାପ୍ତ ସେନା ଅଧିକାରୀ ଜେନେରାଲ ପରଭେଜ ମୁଶରଫଙ୍କ ମୃତ୍ୟୁକୁ ସମବେଦନା ଜଣାଇ ରବିବାର କଂଗ୍ରେସର ବରିଷ୍ଠ ନେତା ଶଶି ଥରୁର ଲେଖିଛନ୍ତି ଯେ ଥରେ ଭାରତର ଶତ୍ରୁ ମୁଶରଫ ୨୦୦୨ ରୁ ୨୦୦୭ ମଧ୍ୟରେ ଶାନ୍ତି ପାଇଁ ପ୍ରକୃତ ଶକ୍ତି ପାଲଟିଥିଲେ। ଏକ ବିରଳ ରୋଗ ହେତୁ ପାକିସ୍ତାନର ପୂର୍ବତନ ରାଷ୍ଟ୍ରପତି ପରଭେଜ ମୁଶରଫଙ୍କ ଦେହାନ୍ତ ହୋଇଛି। ସେ ୨୦୦୨-୨୦୦୭ ମଧ୍ୟରେ ଶାନ୍ତି ପାଇଁ ଏକ ଶକ୍ତି ପାଲଟିଥିଲେ।

ପୂର୍ବତନ ବୈଦେଶିକ ବ୍ୟାପାର ମନ୍ତ୍ରୀ ଥରୁର କହିଛନ୍ତି ଯେ ମୁଁ ତାଙ୍କୁ ମିଳିତ ଜାତିସଂଘରେ ଭେଟିଥିଲି ଏବଂ ତାଙ୍କୁ କୂଟନୈତିକ ଦୃଷ୍ଟିକୋଣରୁ ଚତୁର ତଥା ସ୍ପଷ୍ଟ ମନେ କରିଥିଲି। ଭଗବାନ ତାଙ୍କୁ ଶାନ୍ତି ଦିଅନ୍ତୁ। ଥରୁରଙ୍କ ଏହି ଟ୍ୱିଟକୁ ନେଇ ବିବାଦ ଦେଖାଦେଇଛି। ଆଉ ବିଜେପି ତାଙ୍କୁ ଟାର୍ଗେଟ କରିଛି।

Pervez Musharraf- architect of Kargil, dictator, accused of heinous crimes – who considered Taliban & Osama as “brothers” & “heroes” – who refused to even take back bodies of his own dead soldiers is being hailed by Congress! Are you surprised? Again, Congress ki pak parasti! 1/2 pic.twitter.com/I7NnLRRUZM

— Shehzad Jai Hind (@Shehzad_Ind) February 5, 2023

ବିଜେପି ନେତା ଶାହାଜାଦ ପୁନାୱାଲା ଟ୍ୱିଟ୍ କରି କହିଛନ୍ତି, ‘କାରଗିଲ ଯୁଦ୍ଧର ଖଳନାୟକ, ଏକଛତ୍ରବାଦ ଶାସକ ପରଭେଜ ମୁଶରଫ, ତାଲିବାନ ଏବଂ ଓସାମାକୁ ଭାଇ ଓ ହିରୋ ଭାବରେ ବିବେଚନା କରୁଥିଲା। ନିଜ ସୈନିକଙ୍କ ମୃତଦେହ ଫେରାଇ ନେବାକୁ ମନା କରି ଦେଇଥିବା ବେଳେ ତାଙ୍କୁ ପ୍ରଶଂସା କରାଯାଉଛି।ପୁଣି ଥରେ କଂଗ୍ରେସର ପାକିସ୍ତାନ ପ୍ରେମ ବାହାରିଲା କହି ପୁନାୱାଲା କଂଗ୍ରେସକୁ ଟାର୍ଗେଟ କରିଛନ୍ତି।

ପୁନାୱାଲା ଅନ୍ୟ ଏକ ଟ୍ୱିଟରେ କହିଛନ୍ତି ଯେ ଓସାମା ବିନ୍ ଲାଡେନ ଏବଂ ତାଲିବାନକୁ ପ୍ରଶଂସା କରିଥିବା ପରଭେଜ ମୁଶରଫ ରାହୁଲ ଗାନ୍ଧୀଙ୍କୁ ମଧ୍ୟ ପ୍ରଶଂସା କରିଛନ୍ତି। ସେ ରାହୁଲଙ୍କୁ ଜଣେ ଭଦ୍ର ବ୍ୟକ୍ତି ବୋଲି ଡାକି ତାଙ୍କୁ ସମର୍ଥନ କରିବେ ବୋଲି ପ୍ରତିଶୃତି ଦେଇଥିଲେ। ବୋଧହୁଏ ଏହି କାରଣରୁ ଶଶି ଥରୁର କାରଗିଲ ଯୁଦ୍ଧର ଖଳନାୟକ ତଥା ଆତଙ୍କବାଦ ସମର୍ଥକଙ୍କୁ ପ୍ରଶଂସା କରୁଛନ୍ତି ବୋାଲି ପୁନାୱାଲା କହିଛନ୍ତି।