ଓଡ଼ିଆ ବାର୍ତ୍ତା/ ଖଲ୍ଲିକୋଟ (ମାଧବ ବେହେରା): ଜାତୀୟ ରାଜପଥ ୧୬ ଅଗସ୍ତି ନୂଆଗାଁ ଠାରେ ଏକ ଟ୍ରକ ଚାଳକଙ୍କ ଠାରୁ ଅନ୍ୟ ଏକ ଟ୍ରକର କର୍ମଚାରୀମାନେ ନଗଦ ୨୨ ହଜାର ଟଙ୍କା ଓ ଗାଡିର ଚାବି ଛଡାଇ ନେବା ସହ ଟ୍ରକ ଚାଳକଙ୍କୁ ଲୁହା ରଡ଼ରେ ମାଡ ମାରି ଆହତ କରିଥିବା ଜଣାପଡିଛି l ଖଲ୍ଲିକୋଟ ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରରେ ଚିକିତ୍ସାଧୀନ ଅବସ୍ଥାରେ ପିଡିତ ଟ୍ରକ ଚାଳକ ଦେଇଥିବା ବୟାନ ଅନୁଯାଇ ମଙ୍ଗଳବାର ଦିନ ସକାଳ ୧୦ ଘଣ୍ଟା ସମୟରେ ଯାଜପୁର ସହରର ଟ୍ରକ ଚାଲାକ ଶ୍ରୀକାନ୍ତ ରାଉତ ଟ୍ରକ ଓ ଡି ୦୪ କ୍ୟୁ – ୭୮୫୩ ରେ କୋଇଲା ବୋଝେଇ କରି ରାଉରକେଲାରୁ ୱାଲଟିଏରକୁ ଯାଇ ଫେରୁଥିବା ବେଳେ ଅଗସ୍ତି ନୂଆଗାଁ ଠାରେ ଅନ୍ୟ ଏକ ଟ୍ରକ ବାମ ପାଖ ଝରକାକୁ ଧକ୍କା ଦେଇ ଥିଲା । ଟ୍ରକ ଚାଳକ ଶ୍ରୀକାନ୍ତ ଏହାର ପ୍ରତିବାଦ କରିବାରୁ ତାଙ୍କ ଲୁହ ରଡ଼ ରେ ମାଡ ମାରି ଆହତ କରି ତାଙ୍କ ପାକେଟ ରୁ ନଗଦ ୨୨ ହଜାର ଟଙ୍କା ଛଡାଇ ନେଇ ପଳାଇଥିଲେ l ଆହତ ଟ୍ରକ ଚାଳକ ଶ୍ରୀକାନ୍ତ ଏକ ଢ଼ାବାରୁ ବାଇକ ମାଗି ଟ୍ରକର ପିଛା କରୁଥିବା ବେଳେ ଖଲ୍ଲିକୋଟ ବଡଘାଟି ଉପରେ ଥିବା ପିସିଆର ଗାଡିର ଇନ୍ସପେକ୍ଟର ମୃତୁଞ୍ଜୟ ତ୍ରିପାଠୀଙ୍କୁ ଜଣାଇ ବେହୋସ ହୋଇପଡିଥିଲେ l ପରେ ପିସିଆର ଆଣି ଖଲ୍ଲିକୋଟ ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରରେ ପ୍ରାଥମିକ ଚିକିତ୍ସା ପାଇଁ ଭର୍ତି କରିବା ସହ ଟ୍ରକକୁ ଅଟକାଇବା ପାଇଁ ଜାତୀୟ ରାଜପଥରେ ଥିବା ସମସ୍ତ ଟୋଲ ଗେଟ ଓ ଗାଡିର ମାଲିକଙ୍କୁ ଜଣାଇଥିବା ପ୍ରକାଶ l
