ଓଡ଼ିଆ ବାର୍ତ୍ତା/ କଳାହାଣ୍ଡି (ନିଲେଶ କୁମାର ନାଗ): ଭବାନୀପାଟଣା ସହର ନକଟିଗୁଡା ଛକ ନିକଟରେ ସରକାରୀ ମହିଳା ମହାବିଦ୍ୟାଳୟ ସମ୍ମୁଖରେ ଥିବା କ୍ଷୀରସିନ୍ଧୁ ମାର୍କେଟ କମ୍ପ୍ଲେକ୍ସ ଠାରେ ଦକ୍ଷିଣ ଭାରତର ଲୋକପ୍ରିୟ ବ୍ରାଣ୍ଡ “ଅରୁନ୍” ଦୁଗ୍ଧ ଜାତୀୟ ନୂତନ ଆଇସକ୍ରିମ ପାର୍ଲର ହାପ୍ ଡେଲି ଜୁନାଗଡ଼ ବିଧାୟକ କ୍ୟାପଟେନ ଦିବ୍ୟଶଙ୍କର ମିଶ୍ରଙ୍କ ଦ୍ଵାରା ଉଦଘାଟିତ ହୋଇଯାଇଛି । ଏଥିରେ ବିଭିନ୍ନ ରକମର ଆଇସକ୍ରିମ ସହିତ ଦହି, କ୍ଷୀର, ଜନ୍ମଦିନ କେକ୍, ଡ୍ରାଏ ଫ୍ରୁଟ୍ ମିଶ୍ରିତ ଓ ଆହୁରି ଅନେକ ପ୍ରକାରର ଆଇସକ୍ରିମ ଉପଲବ୍ଧ ଥିବା ପାର୍ଲର ମାଲିକ ପ୍ରକାଶ କରିଛନ୍ତି । ଏହା ଅମୂଲ ଭଳି ଏକ ଦୁଗ୍ଧ ଜାତୀୟ ସାମଗ୍ରୀ ପ୍ରସ୍ତୁତକାରୀ ସଂସ୍ଥା ଯାହାକି ଦକ୍ଷିଣ ଭାରତରେ ବେଶ୍ ଲୋକପ୍ରିୟ ବ୍ରାଣ୍ଡ । ଏହା ଜିଲ୍ଲାରେ ଭଲ ବ୍ୟବସାୟ କରିବ ବୋଲି ମାଲିକ ଆଶାବାଦୀ ଥିବା ସହ ନୂତନ ଯୁବପିଢ଼ିଙ୍କୁ ଆକର୍ଷଣ କରିବ ବୋଲି କହିଛନ୍ତି ।
