ଓଡ଼ିଆ ବାର୍ତ୍ତା/ ନୂଆପଡ଼ା (ରାହୁଲ ବାଗ): ଖରିଆର ରୋଡ ସହର ବନକା ଠାରେ ମୁସ୍କାନ କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଛି | ଏହି କାର୍ଯ୍ୟକ୍ରମ ରେ ଓଡିଶା ସରକାର ଙ୍କ କେବିନେଟ ମନ୍ତ୍ରୀ ରାଜେନ୍ଦ୍ର ଢୋଲକିଆ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ | କେ ଏସ ଏସ ( ଖରିଆର ରୋଡ ସେବା ସମିତି ) ଦ୍ୱାରା ଅନୁଷ୍ଠିତ ମୁସ୍କାନ କାର୍ଯ୍ୟକ୍ରମ ରେ ସହର ର ପ୍ରତେକ ୱାର୍ଡ ର ଛୋଟ ଛୋଟ କୁନି ଛୁଆ ମାନଙ୍କୁ ମିଠା, ବାଣ ଓ ଦୀପ ପ୍ରଦାନ କରାଯାଇଥାଏ | ଯାହା ଦ୍ୱାରା ଆର୍ଥିକ ଦୁର୍ବଳ ପରିବାର ଲୋକ ଙ୍କ ଘର ର ଛୋଟ କୁନି ଛୁଆ ଙ୍କ ମୁହଁ ରେ ହସ ଉଭେଇ ନ ଯାଉ ବୋଲି | ଦୀର୍ଘ ୭ ବର୍ଷ ଧରି ଏହି କାର୍ଯ୍ୟକ୍ରମ ନିରନ୍ତର ଭାବେ କରାଯାଉଛି | ତେବେ ଶନିବାର ପୂର୍ବାହ୍ନ ରେ ଅନୁଷ୍ଠିତ କାର୍ଯ୍ୟକ୍ରମ କୁ ନିଶାନ୍ତ ଡାଗା ଓ ପତ୍ନୀ ନେହା ଡାଗା ପରିଚାଳନା କରିଥିବା ବେଳେ ଗୋଲୀ ତିୱାରୀ,ଗୌରୀ ଶଙ୍କର ପଟେଲ ପାର୍ଶଦ, ମନିଷ ଦେୱାଙ୍ଗନ, ବସନ୍ତ ବାରିକ, ସନ୍ଦୀପ ତାଣ୍ଡି, ବିକାଶ ତାଣ୍ଡି, ଅବଦୁଲ ମନନ, ଗୋଲୁ ଯାଦବ ତଥା କେ ଏସ ଏସ ର ସଦସ୍ୟ ପ୍ରମୁଖ ଉପସ୍ଥିତ ଥିଲେ |
