ଓଡ଼ିଆ ବାର୍ତ୍ତା/ ଜୟପାଟଣା (ଧନେଶ୍ଵର ପୁଞ୍ଜି): କଳାହାଣ୍ଡି ଜିଲ୍ଲା ଜୟପାଟଣା ବ୍ଲକ ଗୋଷ୍ଠୀ ଶିକ୍ଷା ଅଧିନସ୍ଥ ରେଙ୍ଗାଲପାଲି ଉଚ୍ଚ ପ୍ରାଥମିକ ବିଦ୍ୟାଳୟରେ ମୋ ଖେଳଣା ମୋ ସଂସ୍କୃତି କାର୍ଯ୍ୟକ୍ରମ ବିଦ୍ୟାଳୟ ପରିଚାଳନା କମିଟିର ସଭାପତି ଉମାଶଙ୍କର ଦୀପ ଙ୍କ ସଭାପତିତ୍ବରେ ଅନୁଷ୍ଠିତ ହୋଇଯାଇଅଛି। ରେଙ୍ଗାଲଉଚ୍ଚ ପ୍ରାଥମିକ ବିଦ୍ୟାଳୟ ର ପ୍ରଧାନ ଶିକ୍ଷକ ଲଲିତ କୁମାର ନାଏକ ଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ଆୟୋଜିତ କାର୍ଯ୍ୟକ୍ରମରେ ଗୋଷ୍ଠୀ ଶିକ୍ଷା ଅଧିକାରୀ ପ୍ରେମ ନାରାୟଣ ପଣ୍ଡା ମୁଖ୍ୟ ଅତିଥି ଭାବରେ ଯୋଗଦେଇ ଥିବା ବେଳେ ସମ୍ମାନିତ ଅତିଥି ଭାବରେ ରେଙ୍ଗାଲ ପାଲି ଗ୍ରାମ ପଞ୍ଚାୟତ ସରପଞ୍ଚ ଐଶ୍ୱର୍ଯ୍ୟ କୁମାର ଦାସ, ପୂର୍ଣ୍ଣଚନ୍ଦ୍ର ପଣ୍ଡା, ସି ଆର୍ ସି ସି ବେଦବର ନିଆଲ, ବିମଳା ପ୍ରାଥମିକ ବିଦ୍ୟାଳୟ ପ୍ରଧାନ ଶିକ୍ଷକ ରମାକାନ୍ତ ମାଝୀ, ପ୍ରମୁଖ ମଞ୍ଚାସୀନ ରହିଥିଲେ। ସ୍ବାକ୍ଷର ଭାରତ ମାଧ୍ୟମ ରେ ତାଲିମ ଗ୍ରହଣ କରୁଥିବା ଶିକ୍ଷକ ସ୍ବେଚ୍ଛାସେବୀ ପ୍ରମୁଖ ଉପସ୍ଥିତ ରହିଥିବା ବେଳେ ଛାତ୍ରଛାତ୍ରୀ ମାନଙ୍କ ଦ୍ଵାରା ହସ୍ତ କଳା,ମାଟି ପାତ୍ର ତଥା ମାଟି କାରୁକାର୍ଯ୍ୟ ସାମଗ୍ରୀ, ସଂସ୍କୃତି ଭିତ୍ତିକ ସାମଗ୍ରୀ ବାଉଁଶ ରୁ ନିର୍ମିତ ସାମଗ୍ରୀ ପ୍ରସ୍ତୁତ କରାଯାଇଥିଲା। ବିଦ୍ୟାଳୟ ର ଶିକ୍ଷକ ଧରିତ୍ରୀ ଦାସ, ଉପମା ବାଗ, ଦିବ୍ୟାସେନି ଦୁର୍ଗା, ନିବେଦିତା ବାଣୁଆ, କୋଟେଶ୍ବର ରାଓ, ଉଦ୍ଧବ ବାଗ, ସୁଜିତ ସାହୁ, ପ୍ରମୁଖ ସହଯୋଗ କରିଥିଲେ। ଏହି କାର୍ଯ୍ୟକ୍ରମରେ କୁଶଳୀ ମାଟି ଶ୍ରମିକ (କୁମ୍ଭାର) ଖଗେଶ୍ବର ରଣାଙ୍କ ଦ୍ବାରା ମାଟିପାତ୍ର ନିର୍ମାଣ କରାଯିବା ପ୍ରଶିକ୍ଷଣ ଛାତ୍ରଛାତ୍ରୀ ମାନଙ୍କୁ ପ୍ରଦାନ କରାଯାଇଥିଲା।
