ଅର୍ଜୁନ କହିଲେ
ନୂଆବର୍ଷ ଆସିଚି
ଚାଲ କବିତା ଲେଖିବା ।
ହେ ଅର୍ଜୁନ!
କିଛି ତ ବଦଳିନାହିଁ
କାନ୍ଥେ ଟଙ୍ଗା କ୍ୟାଲେଣ୍ଡର୍ ଛଡ଼ା
ସେମିତି ଲାଗୁଚି ଶୀତ
ବି ପଡ଼ୁଚି ଝର୍କାବାଟେ ଖରା
କମିନି ପ୍ରିୟାର ଅଭିମାନ
ମୋ’ ହୃଦର ପ୍ରେମ
କୁଲି-ରେଜା ଯାଉଚନ୍ତି
ଆଗଭଳି କରିବାକୁ କାମ ।
କ’ଣ ବା ହୁଏ
ନୂଆବର୍ଷ
ଆସିଲେ କି ନଆସିଲେ
ମୋ’ କବିତା
କେହି ପଢ଼ିଲେ କି ନପଢ଼ିଲେ
ତଥାପି ନୂଆବର୍ଷ ଆସେ
ପୁରୁଣା ହୋଇ ସରିଯାଏ
ମୋର ଢେର ସାରା ଅକବିତା
ଚିରାହୋଇ ପଡ଼ୁଥାଏ ଅଳିଆଗଦାରେ ।
ନିଶାରେ ଝୁମି
କେତେକ କହନ୍ତି
ଦେଖଦେଖ ନୂଆବର୍ଷ ଆସିଚି
ବୁଝିଲେ କି ନବୁଝିଲେ
କହୁଥାନ୍ତି କିଛିଲୋକ
ବାଃ କି କବିତା ଲେଖିଚି!
writersudhir@gmail.com
ମୋ: 9777949800
For latest news & views update
Click on bell button and subscribe to notifications.
Like us on facebook
Subscribe us on youtube
http://youtube.com/channel/UCdoWrXFOsGOd7dzWwMFwFrQ
