ନର୍ଲା,୨୯/୬: ନର୍ଲା ବ୍ଳକ କନ୍ଧ ସମାଜ ଯୁବ ସଂଗଠନ ତରଫରୁ ଶ୍ରୀ ଗଜପତି ମାଝୀ ଓ କିଶୋର ମାଝୀଙ୍କ ନେତୃତ୍ବରେ ଏକ ପ୍ରତିନିଧି ଦଳ ସୋମବାର ନର୍ଲା ଗୋଷ୍ଠୀ ଶିକ୍ଷା ଅଧିକାରୀଙ୍କ କାର୍ଯ୍ଯାଳୟରେ ଗଣଶିକ୍ଷା ମନ୍ତ୍ରୀଙ୍କ ଉଦ୍ଦେଶ୍ଯରେ ଏକ ଦାବୀପତ୍ର ଅତିରିକ୍ତ ଶିକ୍ଷା ଅଧିକାରୀ ଜୟସେନ ନିଆଲଙ୍କୁ ପ୍ରଦାନ କରିଥିଲେ ।
Osepa.gov.in.website ରେ ଛାତ୍ରଛାତ୍ରୀଙ୍କ ନାମଲେଖା ଫର୍ମର ଏସଟି ସବ୍ କେଟାଗୋରି ତାଲିକାରେ ୬୨ ପ୍ରକାର ଜନଜାତି ମଧ୍ଯରୁ କନ୍ଧ (kandha)ସଂପ୍ରଦାୟକୁ ବାଦ୍ ଦିଆଯାଇଥିବାରୁ ସଂଶୋଧନ କରି ପୁନଃ ତାଲିକା ଭୁକ୍ତ କରିବାପାଇଁ ଦାବୀପତ୍ରରେ ଅନୁରୋଧ କରାଯାଇଛି । ସରକାରଙ୍କ ଖାମ ଖିଆଲ ନିତୀ ଯୋଗୁଁ ଆଜି କନ୍ଧ ସଂପ୍ରଦାୟ ଜନଜାତି ତାଲିକାରୁ ବାଦ ହୋଇଥିବାରୁ ସରକାର ଜାଣିଜାଣି ଆମକୁ ହଟାଇବାକୁ ଚାହୁଁଛନ୍ତି ବୋଲି କ୍ଷୋଭ ପ୍ରକାଶ କରିଥିଲେ । ଶିଘ୍ର ଯଦି osepa.gov.in.website ରେ ଉପରୋକ୍ତ ତଥ୍ଯ ସଂଶୋଧନ କରାନଯାଏ ତାହେଲେ ଆଗାମୀ ଦିନରେ ରାଜ୍ଯର ସବୁ ଜିଲ୍ଲାରେ ଆନ୍ଦୋଳନ କରାଯିବ ବୋଲି ଚେତାବନି ଦେଇଛନ୍ତି ।
ନର୍ଲାରୁ ନିରଞ୍ଜନ ଗୌଡଙ୍କ ରିପୋର୍ଟ OdiaBarta.in
Click here to get 24×7 News & Views alerts
https://facebook.com/odiabarta
