ଓଡ଼ିଆ ବାର୍ତ୍ତା/ କଳାହାଣ୍ଡି (ସୁମିତ କୁମାର ଅଗ୍ରୱାଲ): ନର୍ଲା ବ୍ଲକ ଅନ୍ତର୍ଗତ ରୁପ୍ରାରୋଡ ପଞ୍ଚାୟତର ବରଗାଁରେ ଆଜି ଏକ ଅଭାବନୀୟ ଘଟଣା ଦେଖିବାକୁ ମିଳିଛି । ଏହି ଗ୍ରାମର ୬୪ ବର୍ଷିଆ ବୃଦ୍ଧା ମହିଳା ବେଟିଖାଇ ମାଝୀ ବଜ୍ରାଘାତର ଶିକାର ହୋଇ ଗୁରୁତର ହୋଇ ପଡିଛନ୍ତି । ଏପଟେ ବଜ୍ରାଘାତରେ ତାଙ୍କର ୪ ଗୋଟି ଛେଳି ପ୍ରାଣ ହରାଇଛନ୍ତି । ପ୍ରାପ୍ତ ସୂଚନା ଅନୁସାରେ ଆଜି ବେଟିଖାଇ ଛେଳି ଚରାଇବାକୁ ନିକଟସ୍ଥ ଜଙ୍ଗଲକୁ ଯାଇଥିଲେ । ଛେଳି ଚରୁଥିବା ସମୟରେ ମେଘୁଆ ପାଗ ହୋଇ ପ୍ରବଳ ବଜ୍ରପାତ ହୋଇଥିଲା । ଏହାର ପ୍ରଭାବରେ ଚାରି ଗୋଟି ଛେଳି ମରିଯାଇଥିବା ବେଳେ ବୃଦ୍ଧା ମହିଳା ଜଣକ ଗୁରୁତର ହେଇ ଯାଇଥିଲେ । ତାଙ୍କୁ ପରିବାରବର୍ଗ ଏବଂ ଗ୍ରାମର ଲୋକେ ପ୍ରାଥମିକ ଚିକିତ୍ସା ପାଇଁ ନର୍ଲା ଗୋଷ୍ଠୀ କେନ୍ଦ୍ରକୁ ନେଇଥିବା ଜଣାପଡିଛି ।
