ନୂଆଦିଲ୍ଲୀ: ନ୍ୟାସନାଲ ପେମେଣ୍ଟ କର୍ପୋରେସନ୍ ଅଫ୍ ଇଣ୍ଡିଆ (NPCI) ୟୁପିଆଇ (UPI) ସମ୍ବନ୍ଧରେ ପ୍ରମୁଖ ନିର୍ଦ୍ଦେଶନାମା ଜାରି କରିଛି। ୟୁପିଆଇ ପରିଚାଳନା କରୁଥିବା ସଂସ୍ଥା ଫୋନ୍ ପେ’ ଓ ଗୁଗଲ ପେ’ ପରି ଥାର୍ଡ ପାର୍ଟି ଆପ୍ସ ଓ ବ୍ୟାଙ୍କକୁ ନିର୍ଦ୍ଦେଶ ଦେଇଛି ଯେ, ଯେଉଁଥିରେ ୟୁପିଆଇ ଆଇଡିରେ ଗୋଟିଏ ବର୍ଷ ପାଇଁ କୌଣସି କାରବାର ହୋଇନାହିଁ ସେହି ୟୁପିଆଇ ଆଇଡି ଗୁଡିକ ବନ୍ଦ କରାଯାଉ। ଏହା କରିବା ପୂର୍ବରୁ, ଉପଭୋକ୍ତାମାନଙ୍କୁ ଇମେଲ କିମ୍ବା ମେସେଜ ମାଧ୍ୟମରେ ବିଜ୍ଞପ୍ତି ପଠାଇବାକୁ ମଧ୍ୟ କୁହାଯାଇଛି। ଏଥିପାଇଁ ୩୧ ଡିସେମ୍ବର ପର୍ଯ୍ୟନ୍ତ ସମୟ ଦେଇଛି NPCI।
ଏନପିସିଆଇର ଏହି ପଦକ୍ଷେପ ଦ୍ୱାରା ୟୁପିଆଇ କାରବାର ଅଧିକ ସୁରକ୍ଷିତ ହେବ ବୋଲି ଆଶା କରାଯାଉଛି। ଏହା ବ୍ୟତୀତ ଅନେକ ଭୁଲ କାରବାର ମଧ୍ୟ ବନ୍ଦ ହୋଇଯିବ। ନିର୍ଦ୍ଦେଶାବଳୀ ପରେ, ବର୍ତ୍ତମାନ ସମସ୍ତ ଆପ୍ ଏବଂ ବ୍ୟାଙ୍କଗୁଡିକ ନିଷ୍କ୍ରିୟ ଗ୍ରାହକଙ୍କ ୟୁପିଆଇ ଆଇଡି ଏବଂ ଏହା ସହିତ ଜଡିତ ମୋବାଇଲ୍ ନମ୍ବର ଯାଞ୍ଚ କରିବେ। ଯଦି ୧ ବର୍ଷ ଭିତରେ କୌଣସି ପ୍ରକାର କ୍ରେଡିଟ୍ କିମ୍ବା ଡେବିଟ୍ ହୋଇ ନଥାଏ ତେବେ ସେହି ୟୁପିଆଇ ଆଇଡିକୁ ବନ୍ଦ କରି ଦିଆଯିବ।
ନୂଆ ବର୍ଷରୁ ଗ୍ରାହକମାନେ ଏହି ଆଇଡିଗୁଡ଼ିକ ସହିତ କାରବାର କରିପାରିବେ ନାହିଁ। ଭୁଲ କାରବାରର NPCI ଅନେକ ଅଭିଯୋଗ ଗ୍ରହଣ କରିଛି, ଯାହାକୁ ଦୃଷ୍ଟିରେ ରଖି ଏହି ପଦକ୍ଷେପ ନିଆଯାଉଛି। ଅନେକ ଥର ଏହା ଘଟେ ଯେ ଲୋକମାନେ ସେମାନଙ୍କର ମୋବାଇଲ୍ ନମ୍ବର ପରିବର୍ତ୍ତନ କରନ୍ତି ଏବଂ ଏହା ସହିତ ଜଡିତ UPID କୁ ପରିବର୍ତ୍ତନ କରନ୍ତି ନାହିଁ। ସେହି ମାମଲାରେ ଯଦି ଅନ୍ୟ ବ୍ୟକ୍ତି ଉକ୍ତ ନମ୍ବର ପାଆନ୍ତି ଏବଂ UPID ସେଠାରେ ସକ୍ରିୟ ରହିଥାଏ। ଏପରି ପରିସ୍ଥିତିରେ, ଯଦି କେହି ସେହି ନମ୍ବରକୁ ଟଙ୍କା ପଠାନ୍ତି, ତେବେ ସେହି ବ୍ୟକ୍ତିଙ୍କ ନିକଟରେ ଟଙ୍କା ପଳାଏ ଯେଉଁ ବ୍ୟକ୍ତି ଏହି ନମ୍ବର ବର୍ତ୍ତମାନ ବ୍ୟବହାର କରୁଛନ୍ତି। ଅର୍ଥାତ୍ ଭୁଲ ବ୍ୟକ୍ତିଙ୍କ ନିକଟକୁ ଟଙ୍କା ସ୍ଥାନାନ୍ତର ହୋଇଯାଏ।
