ଓଡ଼ିଆ ବାର୍ତ୍ତା/ ସୁବର୍ଣ୍ଣପୁର (ରାଜ କିଶୋର ତ୍ରିପାଠୀ): ଆସନ୍ତା ୨୭ ତାରିଖରେ ସମ୍ବଲପୁରରେ ଉଦ୍ଘାଟନ ହେବାକୁ ଥିବା ମା ସମଲେଇ ପରିକ୍ରମା ପ୍ରକଳ୍ପ ପାଇଁ ମଙ୍ଗଳବାର ସମ୍ବଲପୁରର ମା ସମଲେଇଙ୍କ ମନ୍ଦିରରୁ ସୋନପୁରର ଇଷ୍ଟଦେବୀ ମା ସୁରେଶ୍ଵରୀ, ମା ସମଲେଶ୍ଵରୀ, ଲଙ୍କେଶ୍ଵରୀ, ଖମ୍ବେଶ୍ୱରୀ, ମେଟାକାନି ଓ ତେଲଣ୍ଡା ରାମଚଣ୍ଡୀ ମାଙ୍କ ପାଖକୁ ନିମନ୍ତ୍ରଣ ପହଞ୍ଚିଛି। ସମଲେଇ ମନ୍ଦିରର ଏହି ପ୍ରତିନିଧି ଦଳଙ୍କ ନଡ଼ିଆ ଗୁଆ କଳସ ଓ ନିମନ୍ତ୍ରଣ ପତ୍ରକୁ ମା ସୁରେଶ୍ଵରୀଙ୍କ ମନ୍ଦିର ମୂଖ୍ୟ ଫାଟକ ଠାରେ ଜିଲ୍ଲା ପ୍ରଶାସନ ଓ ଜନସାଧାରଣ ପକ୍ଷରୁ ଭବ୍ୟ ସ୍ବାଗତ ସମ୍ବର୍ଦ୍ଧନା ଜ୍ଞାପନ କରାଯାଇଛି। କୀର୍ତ୍ତନ ସହ ମହିଳା ମାନଙ୍କ ଦ୍ବାରା ଭବ୍ୟ ସ୍ବାଗତ କରଯାଇଥିବା ବେଳେ ନିମନ୍ତ୍ରଣ ପୂର୍ବରୁ ପ୍ରଶାସନ ଓ ମନ୍ଦୀର କମିଟି ପକ୍ଷରୁ ସୁରେଶ୍ଵରୀଙ୍କ ଠାରେ ପୂଜାର୍ଚ୍ଚନା କରଯାଇଥିଲା। ଏଡିଏମ ସୂର୍ଯ୍ୟନାରାୟଣ ଦାଶଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଆୟୋଜିତ ଉକ୍ତ କାର୍ଯ୍ୟକ୍ରମରେ ପୌର ନିର୍ବାହୀ ଅଧିକାରୀ ମନୋରଞ୍ଜନ ପଣ୍ଡା, ଜିଲ୍ଲା କ୍ରୀଡା ଅଧିକାରୀ ଚିତ୍ତ ରଂଜନ ମିଶ୍ର, ସମାଜସେବୀ ଶ୍ରୀବତ୍ସ ମଲ୍ଲିକ, ସୂଚନା ଓ ଲୋକ ସଂପର୍କ ଅଧିକାରୀ ଅଶ୍ଵିନୀ ଭୋଇ, ବୈକୁଣ୍ଠ ଶତପଥୀ ଓ ବହୂ ଭକ୍ତ, ବୁଦ୍ଧିଜୀବି, ଗଣମାଧ୍ୟମ ପ୍ରତିନିଧି ସାମିଲ ଥିଲେ। ଡିପିଏମ ବିଚିତ୍ରା ନନ୍ଦ ଆଚାର୍ଯ୍ୟ, ସମଲେଇ ମନ୍ଦିର କମିଟିର ଦୁଲାଲ ଚନ୍ଦ୍ର ରାୟ, ଶିଶିର କୁମାର ରାୟଗୁରୁ, କ୍ରିଷ୍ଣା ରାୟ, ଶିବରାମ ଥନାପତି, ଚମରୁ ନାଏକ କାର୍ଯ୍ୟକ୍ରମରେ ଉପସ୍ଥିତ ଥିଲେ।
