ଓଡିଆ ବାର୍ତ୍ତା/ ସୁବର୍ଣ୍ଣପୁର (ରାଜ କିଶୋର ତ୍ରିପାଠୀ): ଗତକାଲି ମଧ୍ୟରାତ୍ରୀ ପ୍ରାୟ ୧ ଟା ବେଳେ ସୋନପୁର କୁଞ୍ଜ ଛକ ସ୍ଥିତ ମ୍ୟୁନିସିପାଲିଟି ସ୍ମାର୍ଟ ପାର୍କ ଠାରେ ଏକ ଯାତ୍ରୀ ବସ୍ ଦୁର୍ଘଟଣା ହୋଇଥିବା ସୂଚନା ମିଳିଛି। ଖବରରୁ ପ୍ରକାଶ ଯେ ବାଇପାସ୍ ରାସ୍ତାରେ ଭୁବନେଶ୍ୱର ଚଣ୍ଡିଖୋଲ ଅଭିମୁଖେ ଦ୍ରୁତ ଗତିରେ ଯାଉଥିବା ଲକି ନାମକ ବସ୍ ଓଡି୦୫ପି ୨୧୪୭ କୁଞ୍ଜ ଛକ ବୁଲାଣିି ରେ ନିୟନ୍ତ୍ରଣ ହରାଇ ସିଧା ଯାଇ ସ୍ମାର୍ଟ ପାର୍କ କଡ଼ରେ ଥିବା ଏକ ବଡ ଗଛରେ ପିଟି ହୋଇଥିଲା। ବସର ସମ୍ବୁଖ ଭାଗ ଭାଙ୍ଗି ଚୁରମାର ହୋଇଥିବା ବେଳେ ଯାତ୍ରୀ ମାନେ ଅଳ୍ପକେ ରକ୍ଷା ପାଇଯାଇଥିବା ବେଳେ କେବଳ ବସ୍ ଡ୍ରାଇଭର ସାମାନ୍ୟ ଆହତ ହୋଇଥିବା ସୂଚନା ମିଳିଛି। ସହରର ତ୍ରୁଟି ପୁର୍ଣ୍ଣ ମୁଖ୍ୟ କୁଞ୍ଜ ଛକ, ବ୍ଲକ ଛକ, ବୁଢ଼ାରଜା ଛକ ଠାରେ ବାରମ୍ଵାର ଦୁର୍ଘଟଣା ବୃଦ୍ଧି ପାଉଥିବା ବେଳେ ସ୍ଥାନୀୟ ଲୋକେ ଛକ ଚଉଡ଼ା ସହ ଗୋଲେଇ ଛକ କରିବାକୁ ବାରମ୍ଵାର ଦାବୀ କରି ଆସୁଛନ୍ତି। କିନ୍ତୁ ପ୍ରଶାସନ ର ଏଥି ପ୍ରତି ଦୂରଦୃଷ୍ଟି ପଡୁ ନାହିଁ।
