ଓଡ଼ିଆ ବାର୍ତ୍ତା/ କୋକସରା (ହିରଣ୍ୟ ବେହେରା): କୋକସରା ବ୍ଲକ ପ୍ରଶାସନ ପକ୍ଷରୁ କଳାହାଣ୍ଡି ଗଠନର ୭୫ ତମ ପ୍ରତିଷ୍ଠା ଦିବସ କୋକସରା ବ୍ଲକ ସଭାଗୁହରେ ଅନୁଷ୍ଠିତ ହୋଇଯାଇଛି। କଳାହାଣ୍ଡି ଜିଲ୍ଲା ପ୍ରଶାସନ ଓ ଜିଲ୍ଲା ସଂସ୍କୃତି ପରିଷଦର ମିଳିତ ସହଯୋଗରେ ଆୟୋଜିତ ଉତ୍ସବ ରେ ବିଡ଼ିଓ ବିଶ୍ୱନାଥ ରାଉତ ସଭାପତିତ୍ୱ କରିଥିଲେ। ବ୍ଲକ ଉପାଧ୍ୟକ୍ଷ ରାଜୀବ କୁମାର ଅଗ୍ରୱାଲ ମୁଖ୍ୟଅତିଥି ଭାବେ ଯୋଗ ଦେଇ କଳାହାଣ୍ଡିର ପୂର୍ବ ଇତିହାସ ଓ ପ୍ରତିଷ୍ଠା ଦିବସ ଉପରେ ଆଲୋକପାତ କରିଥିଲେ। ଏହି ଅବସରରେ ଡିଗ୍ରୀ ମହାବିଦ୍ୟାଳୟର ଅଧ୍ୟାପକ ସୁବ୍ରତ କୁମାର ବେହେରା ମୁଖ୍ୟବକ୍ତା ଭାବେ, ତହସିଲଦାର ନବୀନ କିଶୋର ପାଢ଼ୀ, ଉଚ୍ଚମାଧ୍ୟମିକ ବିଦ୍ୟାଳୟ ଅଧ୍ୟକ୍ଷ ଉପେନ୍ଦ୍ର ସାହୁ, କୋକସରା ସରପଞ୍ଚ କିଶୋର ପ୍ରଧାନୀ, ଡାକ୍ତର ଅଭିଷେକ ବେହେରା, ବିଜେପି ନେତା ତ୍ରିନାଥ ଶବର ପ୍ରମୁଖ ମଞ୍ଚାସିନ ରହି କଳାହାଣ୍ଡିର ଗାଥା ଗର୍ବ ଗୋରବ ଇତିହାସ, ଉପରେ ଆଲୋକ ପାତ କରିଥିଲେ। ଏହି ଅବସରରେ ବିଭିନ୍ନ କ୍ଷେତ୍ରରେ ପ୍ରତିଭା ପ୍ରଦର୍ଶନ କରି କୃତକାର୍ଯ୍ୟ ହୋଇଥିବା ପ୍ରତିଭାବାନ ଓ ନିକଟରେ ଓଏସ ପରୀକ୍ଷାରେରେ କୃତକାର୍ଯ୍ୟ ହୋଇଥିବା ଦୁଇ ଝିଅ ଦିପ୍ତିମୟୀ ପାଣିଗ୍ରାହୀ ଓ ଶିବାନୀ ନାଏକ ଙ୍କୁ ସଂମ୍ମାନିତ କରାଯାଇଥିଲା। କାର୍ଯ୍ୟକ୍ରମକୁ ବ୍ଲକ ସାମାଜିକ ସୁରକ୍ଷା ଅଧିକାରୀ ଦୀପକ ବେହେରା ସଂଯୋଜନା କରିଥିବା ବେଳେ ସମସ୍ତ ପଞ୍ଚାୟତର ସରପଞ୍ଚ ସମିତିସଭ୍ୟ ଜନପ୍ରତିନିଧି ଓ ବିଭିନ୍ନ ବିଭାଗର ଅଧିକାରୀ ଓ କର୍ମଚାରୀ ଉପସ୍ଥିତ ଥିଲେ।
