କଳାହାଣ୍ଡି,୨୮/୫: କର୍ଲମୁଣ୍ଡା ବ୍ଲକ ସଭାଗୃହ ଠାରେ ମହାତ୍ମା ଗାନ୍ଧୀ ନିଶ୍ଚିତ କର୍ମ ନିଯୁକ୍ତି ଯୋଜନାରେ ବର୍ଷା ଦିନରେ ଶ୍ରମିକ ମାନଙ୍କୁ କାମ ଯୋଗାଇବା ଉଦ୍ଧେଶ୍ୟରେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି। ଏଥିରେ ବିଡିଓ ପ୍ରିୟଦର୍ଶିନୀ ମିର୍ଦ୍ଧା, ତହସିଲଦାର ବାସନ୍ତୀ ସେଠୀ, ଇଣ୍ଡୋ ଗ୍ଲୋବାଲ ସୋସିଆଲ ସର୍ଭିସ ସୋସାଇଟି ,(ଆଇଜିଏସଏସଏସ) କର୍ମୀ ପ୍ରଦୀପ କୁମାର ସାହୁ, ସେବାଜଗତ କର୍ମୀ ଗରୁଡ଼ ଭୋଇ, ସହକାରୀ ଯନ୍ତ୍ରୀ ଗୌରାଙ୍ଗ ପ୍ରସାଦ ମାଝୀ, ଏସିପି ସତ୍ୟନାରାୟଣ ପଧାନ, ବିରଞ୍ଚି ଗହୀର ପ୍ରମୁଖ ଯୋଗଦେଇ ଆଗାମୀ ବର୍ଷା ଚାରି ମାସରେ ଶ୍ରମିକ ମାନଙ୍କୁ କାମ ଯୋଗେଇ ଦେବା ପାଇଁ ସ୍ୱତନ୍ତ୍ର ଗ୍ରାମ ସଭା ଜରିଆରେ ପ୍ରକଳ୍ପ ଅନୁମୋଦନ କରିବା ପାଇଁ ଆଲୋଚନା କରିଥିଲେ। ଅନ୍ୟ ମାନଙ୍କ ମଧ୍ୟରେ କନିଷ୍ଟ ଯନ୍ତ୍ରୀ, ଗ୍ରାମ ରୋଜଗାର ସେବକମାନେ ଅଂଶ ଗ୍ରହଣ କରିଥିଲେ।