ପୁରୀ,୩୦/୫: ଆଜି (ଶନିବାର) ପୂର୍ବାହ୍ନ ୧୧ଟା ସମୟରେ ଭିଡିଓ କନଫରେନ୍ସିଂ ମାଧ୍ୟମରେ ଶ୍ରୀମନ୍ଦିର ପରିଚାଳନା କମିଟିର ଏକ ଗୁରୁତ୍ୱପୂର୍ଣ୍ଣ ବୈଠକ ବସିବ ପାଇଁ ସ୍ଥିରିକୃତ ହୋଇଛି । ଶ୍ରୀମନ୍ଦିର ପରିଚାଳନା କମିଟିର ଅଧ୍ୟକ୍ଷ ଗଜପତି ମହାରାଜା ଦିବ୍ୟସିଂହ ଦେବ ବୈଠକର ଅଧ୍ୟକ୍ଷତା କରିବେ । ଆୟୋଜିତ ହେବାକୁ ଥିବା ଏହି ବୈଠକରେ କାଯ୍ୟକାରୀ ଅଧ୍ୟକ୍ଷ ସୁରେଶ ମହାପାତ୍ର, ମୁଖ୍ୟ ପ୍ରଶାସକ ଶ୍ରୀକ୍ରିଷନ କୁମାର, ପୁରୀ ଜିଲ୍ଲାପାଳ ବଲୱନ୍ତ ସିଂ, ଜିଲ୍ଲା ଆରକ୍ଷ ଅଧିକ୍ଷକ ଉମାଶଙ୍କର ଦାସ ମଧ୍ୟ ଉପସ୍ଥିତ ରହିବେ । ଏହାସହ ସମସ୍ତ ପରିଚାଳନା କମିଟି ସଦସ୍ୟ, ସେବାୟତ ପ୍ରତିନିଧି ଯୋଗ ଦେବାର କାର୍ଯ୍ୟକ୍ରମ ରହିଛି ।