ରାୟଗଡ, (ଶିବ ନାରାୟଣ ଗୈାଡ): ରାୟଗଡ ପୈାର ପରିଷଦ ଅଧିନସ୍ଥ ସଂପତ ନଗର ପ୍ରଥମ ଗଳିରେ ଥିବା ନବ ନର୍ମିତ ଶ୍ରୀ ସଂପତ ବିନାୟକ ମନ୍ଦିର ପରିସରେ ସଂପତ ବିନାୟକ କମିିଟି ଓ ବନ ବିଭାଗର ମିଳିତ ଆନୁକୂଲ୍ୟରେ ଆଜି ଏକ ବ୍ୟାପକ ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏଥିରେ ବିଭିନ୍ନ କିସମର ୫୦ଗୋଟି ଚାରା ତଥା ନୀମ, ବଉଳ, ଟେକୋମା, ଚମ୍ପା, କରଂଜ, ପିସ୍ତାବାଦାମ ଇତ୍ୟାଦି ରୋପଣ କରାଯାଇଥିଲା ।
ଏହି ମନ୍ଦିରର ଆଖାପାଖ ଅଂଚଳଟିକୁ କିପରି ସବୁଜ ବନାନୀରେ ପୂରଣ କରାଯିବ ତାହା ଉପରେ ପ୍ରାଂଜଳ ଭାବରେ କମିଟିର ସଭ୍ୟମାନଙ୍କ ସହ ବନ ବିଭାଗ ପକ୍ଷରୁ ଆଲୋଚନା କରାଯାଇଥିଲା । ଏହି ଅଂଚଳକୁ ଉନ୍ନତି କରାଗଲେ ଏହା ଏକ ପର୍ଯ୍ୟଟନସ୍ଥଳୀ ରୂପେ ପରିଗଣିତ ହୋଇପାରିବ ବୋଲି ଉପସ୍ଥିତ ସମସ୍ତେ ମତାମତ ପ୍ରଦାନ କରିଥିଲେ । ଏହି ବୃକ୍ଷରୋପଣ କାର୍ଯ୍ୟକ୍ରମରେ ରାୟଗଡ ବନପାଳ ଅନୀଲ କୁମାର ପାଣିଗ୍ରାହୀ, ବନରକ୍ଷୀ ସନ୍ତୋଷ କୁମାର ପାଣିଗ୍ରାହୀ, ଗୈାରୀଶଙ୍କର ସାହୁଙ୍କ ସମେତ ଅନ୍ୟ କର୍ମଚାରୀ ବୃନ୍ଦ ଯୋଗଦାନ କରିଥିଲେ ।
