ଓଡ଼ିଆ ବାର୍ତ୍ତା/ କଳାହାଣ୍ଡି (ନିରଞ୍ଜନ ଗଉଡ): ନର୍ଲା ଗ୍ରାମ ପଞ୍ଚାୟତରରେ ସରପଞ୍ଚ ପ୍ରାର୍ଥୀନୀ ଭାବେ ଲଢେଇ କରୁଥିବା ନାରୀ ନେତ୍ରୀ ତନୁଜା ହରପାଲ ମାରାଥନ୍ ପ୍ରଚାରରେ ବାହାରିଛନ୍ତି । ପଞ୍ଚାୟତର ସର୍ବାଙ୍ଗୀନ ବିକାଶ ଓ ଉନ୍ନତି କରିବା ତାଙ୍କର ଲକ୍ଷ୍ୟ ରହିଛି । ସମାଜସେବା ସହ ଅଙ୍ଗାଙ୍ଗୀ ଭାବେ ଜଡ଼ିତ ଶ୍ରୀମତୀ ହରପାଲଙ୍କ ଉପରେ ପଞ୍ଚାୟତବାସୀଙ୍କ ଅନେକ ଆଶା ଆକାଂକ୍ଷା ରହିଛି । ତେଣୁ ବର୍ତମାନର ସମୟରେ ସେ ଲୋକପ୍ରିୟତାର ଶିର୍ଷରେ ରହିଥିବା ଜଣାପଡିଛି । ଇତି ମଧ୍ୟରେ ତନୁଜା ହରପାଲ ନର୍ଲା ଗ୍ରାମପଞ୍ଚାୟତର ଜୁର୍କାଭଟା, ନର୍ଲା, ରେଖପୁର, ଦେହେଲି, ରେଗଡ଼ିମାଲ, ଡଙ୍ଗରତଳପଡ଼ା, କେନ୍ଦୁପଡା ଆଦି ଗାଁର ଘରକୁ ଘର ଯାଇ ଭୋଟ ଭିକ୍ଷା କରିଛନ୍ତି । ଜନ ସାଧାରଣ ମଧ୍ୟ ତାଙ୍କୁ ଭବ୍ୟ ସ୍ଵାଗତ ସମ୍ବର୍ଦ୍ଧନା ପ୍ରଦାନ କରୁଥିବା ଦେଖାଯାଇଛି । ଲୋକଙ୍କ ଉତ୍ସାହରୁ ତାଙ୍କ ପ୍ରତି ଜନସମର୍ଥନ ବାରି ହୋଇ ପଡୁଛି । ଅନ୍ୟପକ୍ଷରେ ମତଦାନ ପାଇଁ ଆଉ ଅଳ୍ପ ଦିନ ବାକି ରହିଥିବା ବେଳେ ଉତ୍ତମ ପ୍ରାର୍ଥୀ ଚୟନ କରିବାକୁ ଭୋଟର୍ସମାନେ ସ୍ଥିର କରି ସାରିଥିବା ପ୍ରକାଶ କରିଛନ୍ତି । ଜନ ସାଧାରଣଙ୍କ ଉପରେ ଆସ୍ଥା ପ୍ରକଟ କରି ନିର୍ବାଚନ ମଇଦାନକୁ ଓହ୍ଲାଇଥିବା ଶ୍ରୀମତୀ ତନୁଜା ହରପାଲ ତାଙ୍କୁ ‘ଖୋଲା ବହି’ ଚିହ୍ନରେ ବିପୁଳ ସଂଖ୍ୟାରେ ଭୋଟ ଦେଇ ଜୟଯୁକ୍ତ କରାଇବା ପାଇଁ ନର୍ଲା ପଞ୍ଚାୟତବାସୀଙ୍କୁ ନିବେଦନ କରିଛନ୍ତି ।
