ଆମେରିକା ସହ ଚୁକ୍ତି: ଭାରତକୁ ମିଳିବ ତେଜସ୍‌ ଇଞ୍ଜିନର ଟେକ୍‌ନିକ୍‌

ଓଡ଼ିଆ ବାର୍ତ୍ତା/ ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଆଗାମୀ ଆମେରିକା ଗସ୍ତରେ ଭାରତ ଜେଟ ଇଞ୍ଜିନ୍ ନିର୍ମାଣ ପାଇଁ ନୂତନ କ୍ଷମତା ପାଇବ। ଏହି ଗସ୍ତରେ ଆମେରିକୀୟ କମ୍ପାନୀ ଜିଇ ସହିତ ଏକ ଚୁକ୍ତିନାମା ପ୍ରସ୍ତାବ ଦିଆଯାଇଛି। ଯାହା ପରେ ଭାରତକୁ ସ୍ୱଦେଶୀ ହାଲୁକା ଯୁଦ୍ଧ ବିମାନ ତେଜସରେ ବ୍ୟବହୃତ ହେଉଥିବା ଜେଟ ଇଞ୍ଜିନର ଟେକ୍ନୋଲୋଜି ମିଳିବ।ଡିଫେନ୍ସ ରିସର୍ଚ୍ଚ ଆଣ୍ଡ ଡେଭଲପମେଣ୍ଟ ଅର୍ଗାନାଇଜେସନ୍ (DRDO) ର ଗ୍ୟାସ୍ ଟର୍ବାଇନ୍ ରିସର୍ଚ୍ଚ ଏଷ୍ଟାବ୍ଲିସମେଣ୍ଟ (GTRE) ଲାବୋରେଟୋରୀ ସହିତ ଇଞ୍ଜିନର ଉତ୍ପାଦନ ପ୍ରଯୁକ୍ତିବିଦ୍ୟାକୁ ଜିଇ(GE) ଅଂଶୀଦାର କରିବ। ଏହା ଅପ୍ରତ୍ୟାଶିତ କାରଣ ଆମେରିକା ଏପର୍ଯ୍ୟନ୍ତ ନାଟୋ ଦେଶମାନଙ୍କ ସହିତ ଏହି ଟେକ୍ନୋଲୋଜିକୁ ଅଂଶୀଦାର କରିନାହିଁ। ଜେଟ୍ ଇଞ୍ଜିନ୍ ଉତ୍ପାଦନ ପ୍ରଯୁକ୍ତିବିଦ୍ୟା ଏହାର ମୂଲ୍ୟର ୮୦% ବହନ କରୁଛି। ଆସନ୍ତା ଦିନରେ ପ୍ରଧାନମନ୍ତ୍ରୀ ମୋଦୀଙ୍କ ଆମେରିକା ଗସ୍ତ ସମୟରେ ଏହି ଚୁକ୍ତିନାମା ସ୍ୱାକ୍ଷରିତ ହେବାର ସମ୍ଭାବନା ରହିଛି। ତେଜସ୍ ଇଞ୍ଜିନ୍ ବିକାଶର ଦାୟିତ୍ୱ ବେଙ୍ଗାଲୁର ସ୍ଥିତ ଜିଟିଆରଇ (GTRE)ଉପରେ ରହିଛି। ଏଥିପାଇଁ କାଭେରୀ ଇଞ୍ଜିନ୍ ବିକଶିତ ହୋଇଛି। କିନ୍ତୁ ଏଥିରେ ବୈଷୟିକ ଅଭାବ ଯୋଗୁଁ ପ୍ରକଳ୍ପରେ ବିଳମ୍ବିତ ହେଉଛି। ସେଥିପାଇଁ ଜିଇ ସହିତ ଏହି ଚୁକ୍ତିନାମା କରାଯାଉଛି। ସେପଟେ ଏନେଇ ସରକାରୀ ଅଧିକାରୀ କହିଛନ୍ତି ଯେ ଟେକ୍ନୋଲୋଜିର ହସ୍ତନ୍ତରଣ କାରବାର ଦ୍ୱାରା ଡିଆରଡିଓକୁ ଜେଟ ଇଞ୍ଜିନ କ୍ଷେତ୍ରରେ ପାରଦର୍ଶିତା ହାସଲ କରିବାରେ ସାହାଯ୍ୟ କରିବ। କିଛି ଅଂଶ ଗୁଡିକ ସ୍ୱଦେଶୀ ଭାବରେ ପ୍ରସ୍ତୁତ କରାଯାଇପାରିବ ଏବଂ ଜିଟିଆରଇକୁ କ୍ରିଷ୍ଟାଲ ବ୍ଲେଡ ଆଦି ପ୍ରକ୍ରିୟା ଏବଂ କଣ୍ଟେଣ୍ଟ ସମେତ ସମସ୍ତ ସୂଚନା ପ୍ରାପ୍ତ କରିବ।

Sunil Kumar Dhangadamajhi

𝐸𝑑𝑖𝑡𝑜𝑟, 𝑂𝑑𝑖𝑎𝐵𝑎𝑟𝑡𝑎.𝑖𝑛

http://odiabarta.in
error: You are not allowed to copy this content. Thank you.