ସମସ୍ୟାର ଆଶୁ ସମାଧାନ ନ ହେଲେ ଆଗକୁ ହୋଇପାରେ ଜନ ଆନ୍ଦୋଳନ

ଧର୍ମଗଡ,୨/୭: କିଛି ଦିନ ହେଲା ଧର୍ମଗଡ ସହରରେ ଜଳ କଷ୍ଟ ଜନଜୀବନକୁ ବ୍ୟତିବ୍ୟସ୍ଥ କରି ଦେଇଛି । ୧୪ ଟି କାଉନସିଲକୁ ନେଇ ଗଠିତ ଏହି ସହରରେ ୧୭ ହଜାରରୁ ଉର୍ଦ୍ଧ୍ଵ ଲୋକ ବସବାସ କରନ୍ତି । ଏମାନଙ୍କ ପାଇଁ ରହିଛି ୨୫ଟି ନଳକୂପ । ତେବେ ପାଣି ଟାଙ୍କି ହିଁ ଲୋକଙ୍କ ସହା ଭାରସା । ଅଧିକାଂଶ ସମୟରେ ନଳକୂପ ଖରାପ ଏବଂ ଟ୍ୟାପଗୁଡିକ ଅଚଳ ରହୁଥିବାରୁ ସହରରେ ଥିବା ଗୋଟିଏ ମାତ୍ର ପାଣି ଟାଙ୍କି ହିଁ ତୃଷା ନିବାରଣ କରିଥାଏ ।

Omkar Vasthu

Near Ashish Medical Store, Bhawanipatna

ପାନୀୟ ଜଳ ସଙ୍କଟକୁ ନେଇ ସହରବାସୀ ସ୍ଥାନୀୟ ପ୍ରଶାସନିକ ଅଧିକାରୀଙ୍କ ଠାରୁ ଆରମ୍ଭ କରି ବିଭିନ୍ନ ଜନପ୍ରତିନିଧିଙ୍କୁ ଜଣାଇଲେ ମଧ୍ୟ କୌଣସି ପ୍ରତିକାର ବ୍ୟବସ୍ଥା କରାଯାଉ ନାହିଁ ବୋଲି ସହରବାସୀ କହିଛନ୍ତି । ଜନସଂଖ୍ୟା ଦୃଷ୍ଟିରୁ ଏଠାରେ ୨ଟି ଓଭର ହେଡ ଟାଙ୍କି କରାଯାଇଛି ଓ ସହରରେ ଗଭୀର ନଳକୂପ କରି ଜଳ ଯୋଗାଣ ବ୍ୟବସ୍ଥା ରହିଥିବା ବେଳେ ଲୋକେ ପାଣି ପାଇ ପାରୁନାହାନ୍ତି । ସମୟ ସମୟରେ କୌଣସି କାରଣରୁ ଏସବୁ ବନ୍ଦ ରହିଥିବାରୁ ଜଳ ଯୋଗାଣ ବ୍ୟାହତ ହେଉଛି । ତେଣୁ ସହରର ବିଭିନ୍ନ ୱାର୍ଡରେ ପାନୀୟ ଜଳ ସମସ୍ୟା ଲାଗି ରହିଛି ବୋଲି ସହରବାସୀ ପ୍ରକାଶ କରିଛନ୍ତି । ପାନୀୟ ଜଳ ସମସ୍ୟା ପ୍ରତି ସରକାର ତୁରନ୍ତ ଦୃଷ୍ଟି ନ ଦେଲେ ଆଗାମୀ ଦିନରେ ଏହା ଆନ୍ଦୋଳନ ରୂପ ନେଇପାରେ ବୋଲି ଆଶଙ୍କା ସୃଷ୍ଟି ହୋଇଛି ।