ଓଡ଼ିଆ ବାର୍ତ୍ତା/ ନୂଆଦିଲ୍ଲୀ: ଭାରତର ଚନ୍ଦ୍ରଯାନ-3 ଦ୍ୱାରା ପଠାଯାଇଥିବା ବିକ୍ରମ ଲ୍ୟାଣ୍ଡର୍ ଚନ୍ଦ୍ରରେ ଅବତରଣ କରିବା ପରେ ରୋଭର ପ୍ରଜ୍ଞାନ ଦକ୍ଷିଣ ମେରୁରେ ବୁଲୁଛି। ରୋଭର ଏହି ସମୟରେ ଚନ୍ଦ୍ର ପୃଷ୍ଠରୁ ନମୁନା ସଂଗ୍ରହ କରୁଛି। ବିକ୍ରମ ଲାଣ୍ଡର ମଧ୍ୟ ନିଜ କ୍ୟାମେରାରୁ ରୋଭରର ଗତିବିଧିର ଚିତ୍ର ପଠାଉଛନ୍ତି। ଯାହା ବିଷୟରେ ଇସ୍ରୋ ମଧ୍ୟ ଅଧ୍ଯୟନ କରୁଛି। ଏହି ସମୟରେ ଇସ୍ରୋ ସୋମବାର ରୋଭର ପ୍ରଜ୍ଞାନର ଅଧିକ ଫଟୋ ସେୟାର କରିଛି।
ରୋଭରର ଫଟୋ ସେୟାର କରି ଇସ୍ରୋ କହିଛି ଯେ ରୋଭର ରବିବାର ଦିନ ଏକ ବଡ଼ ଗାତ ନିକଟରେ ପହଞ୍ଚିଥିଲା, କିନ୍ତୁ ଏହା ନିରାପଦରେ ଫେରି ଆସିଛି। ଇସ୍ରୋ କହିଛି, “ଚନ୍ଦ୍ରଯାନ -3 ମିଶନର ରୋଭର ପ୍ରଜ୍ଞାନ ଅଗଷ୍ଟ 27 ରେ ଏହାର ସ୍ଥିତିଠାରୁ 4 ମିଟର ବ୍ୟାସାର୍ଦ୍ଧରେ ପହଞ୍ଚିଛି। ଏହା ପରେ ରୋଭରକୁ ଫେରିବା ପାଇଁ ନିର୍ଦ୍ଦେଶ ଦିଆଯାଇଥିଲା। ବର୍ତ୍ତମାନ ଏହା ନିରାପଦରେ ଆଗକୁ ନୂଆ ପଥରେ ବଢୁଛି”।
Chandrayaan-3 Mission:
On August 27, 2023, the Rover came across a 4-meter diameter crater positioned 3 meters ahead of its location.
The Rover was commanded to retrace the path.
It’s now safely heading on a new path.#Chandrayaan_3#Ch3 pic.twitter.com/QfOmqDYvSF
— ISRO (@isro) August 28, 2023
ଏହାପୂର୍ବରୁ, ଇସ୍ରୋ ରବିବାର ଦିନ ଚନ୍ଦ୍ରଯାନ -3 ର ବିକ୍ରମ ଲ୍ୟାଣ୍ଡରରେ ଲାଗିଥିବା ChaSTE ଯନ୍ତ୍ର ଦ୍ୱାରା ମାପ କରାଯାଉଥିବା ଚନ୍ଦ୍ର ପୃଷ୍ଠରେ ତାପମାତ୍ରା ପରିବର୍ତ୍ତନର ଏକ ଗ୍ରାଫ୍ ପ୍ରକାଶ କରିଥିଲା । ଚନ୍ଦ୍ର ପୃଷ୍ଠରେ ତାପମାତ୍ରା କିପରି ପରିବର୍ତ୍ତନ ହୁଏ ତାହା ଉଲ୍ଲେଖ ରହିଥିଲା।
