କନ୍ଧମାଳ ସ୍ପୋର୍ଟସ ହଷ୍ଟେଲ ଟ୍ରାଇବେକର ରେ ୫-୪ ରେ ବିଜୟୀ
ଓଡ଼ିଆ ବାର୍ତ୍ତା/ କଳାହାଣ୍ଡି (ଲିଙ୍ଗରାଜ ମିଶ୍ର): ନର୍ଲା ରେ ଚାଲି ଆସୁଥିବା ପ୍ରଜ୍ଞା ମେରିଆଲ ଫୁଟବଲ ଟୁର୍ଣ୍ଣାମେଣ୍ଟ ର ଚତୁର୍ଥ ଦିନର ଖେଳରେ କନ୍ଧମାଳ ସ୍ପୋର୍ଟସ ହଷ୍ଟେଲ ବଉଦ ଏସୋସିଏସନ କୁ ଭେଟିଥିଲା । ଏକ ରୋମାଂଚକର ସଂଘର୍ଷପୂର୍ଣ୍ଣ ମ୍ୟାଚ ରେ କନ୍ଧମାଳ ଟ୍ରାଇବେକର ରେ ୫-୪ ଗୋଲରେ ବିଜୟୀ ହୋଇ ଦ୍ୱିତୀୟ ସେମିଫାଇନାଲ ରେ ପ୍ରବେଶ କରିଛି । ଆଜିର ସଂଘର୍ଷ ପୂର୍ଣ୍ଣ ମ୍ୟାଚ ରେ ବଉଦ ଏସୋସିଏସନ କନ୍ଧମାଳ ଟିମ କୁ ଦୁଇଗୋଟି ଗୋଲ ଦେଇଥିଲା । ଜବାବରେ କନ୍ଧମାଳ ସ୍ପୋର୍ଟସ ହଷ୍ଟେଲ ଦୁଇଗୋଟି ଗୋଲ ଦେଇ ମ୍ୟାଚ କୁ ଡ୍ର କରିବାରେ ସକ୍ଷମ ହୋଇ ପାରିଥିଲା ଶେଷରେ ଟ୍ରାଇ ବେକର ସଟ ରେ କନ୍ଧମାଳ ଟିମ ବିଜୟୀ ହୋଇ ଦ୍ୱିତୀୟ ସେମିଫାଇନାଲ ରେ ପ୍ରବେଶ କରିଛି ।
ଆଜିର ଖେଳରେ ମୁଖ୍ୟ ଅତିଥି ଭାବରେ ଜିଲ୍ଲା ପରିଷଦ ଅଧ୍ୟକ୍ଷ ପୁଷ୍ପେନ୍ଦ୍ର ସିଂ ଦେଓ, ସମ୍ମାନିତ ଅତିଥି ଭାବରେ ନର୍ଲା ବ୍ଲକ ଉପାଧ୍ୟକ୍ଷ ଦୁର୍ଗାପ୍ରସାଦ ମହାନ୍ତି, ପ୍ରଗତିବାଦୀ ର ଡିଜିଏମ କମ୍ବୁପାଣି ମିଶ୍ର,ସର୍ଗିଗୁଡା ସମିତି ସଦସ୍ୟ ଚିରଞ୍ଜିବି ଗୌଡ଼ିଆ, କ୍ରୀଡ଼ାପ୍ରେମୀ ଯୁବ ଉଦ୍ୟୋକ୍ତା ବିମଲ କୁମାର କେଡ଼ିଆ ପ୍ରମୂଖ ଯୋଗଦାନ କରିଥିଲେ । ମ୍ୟାଚ କୁ କ୍ରୀଡା ଶିକ୍ଷକ ସନ୍ତୋଷାନନ୍ଦ ନାଏକ ପରିଚାଳନା କରିଥିବା ବେଳେ ସୁରେଶ ନାଏକ ଓ ନାରାୟଣ ପଧାନ ଲାଇନ ମ୍ୟାନ ଦାଇତ୍ୱ ତୁଲାଇଥିଲେ ।
ଆୟୋଜକ ଏସ୍କନ କ୍ଲବ ର ସମ୍ପାଦକ ସୁମନ୍ତ ପୁଝାରୀ କାର୍ଯ୍ୟକ୍ରମ ପରିଚାଳନା କରିଥିଲେ । ତ୍ରୀଲୋଚନ ଗଉଡ଼, ଦୀପୁ ପାତ୍ର, କିଶୋର ମାଝୀ, ପିଣ୍ଟୁ ନାଗ, ବଣ୍ଟୁ ଚାନ୍ଦ ପ୍ରମୁଖ କାର୍ଯ୍ୟକ୍ରମ ପରିଚାଳନା ରେ ସହଯୋଗ କରିଥିଲେ । ଆସନ୍ତା କାଲି ୧୭/୧ ମଙ୍ଗଳବାର କେଡିଏଫଏସି କୋରାପୁଟ ଓ କଣ୍ଟାବାଞ୍ଜି ଟିମ ମଧ୍ୟରେ ମ୍ୟାଚ ଅନୁଷ୍ଠିତ ହେବ ।
