ଓଡ଼ିଆ ବାର୍ତ୍ତା/ କଳାହାଣ୍ଡି (ଲିଙ୍ଗରାଜ ମିଶ୍ର): ଜବାନ ଫିଜିକାଲ ଏକାଡେମୀ କୋଚିଂ ସେଣ୍ଟରର ପାଞ୍ଚଜଣ ଛାତ୍ର ଅଗ୍ନିବୀରରେ ସଫଳ ହୋଇଥିବା ଜଣାପଡିଛି। ସୈନ୍ୟବାହିନୀରେ ଏକ ନିର୍ଦ୍ଧିଷ୍ଟ ସମୟ ଅବଧି ପାଇଁ ନିଯୁକ୍ତି ନିମନ୍ତେ ଅଗ୍ନୀବୀର ପଦବୀ ରହିଛି । ସେଥିରେ ପ୍ରଥମ ଥର ପାଇଁ କଳାହାଣ୍ଡିର ଜବାନ କୋଚିଂ ସେଣ୍ଟରରେ ତାଲିମ ନେଉଥିବା ଯୁବକମାନେ ସଫଳତା ଅର୍ଜନ କରିଛନ୍ତି। ସେମାନେ ହେଲେ ଚୈତନ୍ୟ ମାଝୀ, ଟୁକୁରାମ ଶବର, ସୁମନ୍ତ ନାଗ, ପିଣ୍ଟୁ ଶବର ଓ କୁନାଲ ପରିମଲ। ଉକ୍ତ କୋଚିଂ ସେଣ୍ଟରରେ ଫିଜିକାଲ ଟିଚର ପୂର୍ବତନ ସୈନିକ ଭୁପିନ୍ଦ୍ର ନାଏକ ଓ ଜହ୍ନସନ ମାଝୀ, ରିଟିଂନ ଟିଚର ପ୍ରଫୁଲ୍ଲ ଗଉଡ଼, ସାଧାରଣ ଜ୍ଞାନ ଶିକ୍ଷକ ସାହିଲ ବୋଡ଼କିଆ ପ୍ରମୁଖ ଦାୟିତ୍ୱ ନେଇଛନ୍ତି।ପୂର୍ବରୁ ପ୍ରଥମ ବେଚରେ ଏସ.ଏସ.ସି.ଜିଡିରେ ୬ ଜଣ ସଫଳତା ଅର୍ଜ୍ଜନ କରିସାରିଛନ୍ତି। ବର୍ତ୍ତମାନ ମଧ୍ୟ ୬୦ରୁ ଉର୍ଦ୍ଧ୍ବ ଛାତ୍ର ଉକ୍ତ କୋଚିଂ ସେଣ୍ଟରରେ ଶିକ୍ଷା ଅର୍ଜ୍ଜନ କରୁଛନ୍ତି। ଏବେ ମଧ୍ୟ ଓଡ଼ିଶା ପୋଲିସ, ସି.ଆଇ.ଏସ.ଏଫ ତଥା ସମସ୍ତ ପ୍ରକାର କୋଚିଂ ଚାଲିଥିବା ଜଣାପଡିଛି।
