ବର୍ତ୍ତମାନ ସୁଦ୍ଧା ନାଫେଡ ଯୋଗାଇ ନାହିଁ ଡାଲି, ଘନେଇବାରେ ଲାଗିଛି ଜନ ଅସନ୍ତୋଷ

Omkar Vasthu

ଲାଞ୍ଜିଗଡ଼,୬/୫: ମହାମାରୀ କରୋନା ଓ ଲକଡାଉନ ମଧ୍ୟରେ ଗରିବ ଓ ସାଧାରଣ ଲୋକଙ୍କୁ ତ୍ୱରିତ ଖାଦ୍ୟ ସୁରକ୍ଷା ଯୋଗାଇ ଦେବାକୁ ତିନିମାସ ଆଗୁଆ ଚାଉଳ ଦେବାପରେ ଖାଦ୍ୟ ସୁରକ୍ଷା ବଳବତ୍ତର ରଖିବାକୁ କେନ୍ଦ୍ର ସରକାର ହିତାଧିକାରୀଙ୍କୁ ଜଣପିଛା ପାଞ୍ଚ କିଗ୍ରା ଚାଉଳ ଓ ମାସିକ ଏକ କିଗ୍ରା ଡାଲି ତିନିମାସର ଯୋଗାଇ ଦେବାକୁ ଘୋଷଣା କରିଥିଲେ ।

Near Ashish Medical Store, Bhawanipatna

ସେହି ଅନୁଯାୟୀ ଭାରତୀୟ ଖାଦ୍ୟ ନିଗମ ଚାଉଳ ଯୋଗାଇ ଦେଇଥିବାବେଳେ ନାଫେଡ ଦ୍ୱାରା ଡାଲି ଯୋଗାଣ ପାଇଁ ନିଷ୍ପତ୍ତି ହୋଇଥିଲା । ତେବେ କଳାହାଣ୍ଡି ଜିଲ୍ଲା ଲାଞ୍ଜିଗଡ ବ୍ଲକ ଅଞ୍ଚଳରେ ତିନିମାସର ମାଗଣା ୫ କିଗ୍ରା ଚାଉଳ ବଣ୍ଟନ ଚାଲିଥିବାବେଳେ ଡାଲି ଯୋଗାଣ ହୋଇନଥିବାରୁ ବର୍ତ୍ତମାନ ସୁଦ୍ଧା ବଣ୍ଟାଯାଇ ପାରିନାହିଁ।

Udyogi Nursery

ଜିଲ୍ଲା ଯୋଗାଣ ବିଭାଗର ସୂଚନାନୁସାରେ ଲାଞ୍ଜିଗଡ ବ୍ଲକର ୨୬ଟି ପଞ୍ଚାୟତରେ ଜାତୀୟ ଖାଦ୍ୟ ସୁରକ୍ଷା ଯୋଜନାରେ ୧୭ ହଜାର ୫୯୮, ଅନ୍ତୋଦୟ ଯୋଜନାରେ ୪ହଜାର ୬୫୫ ଓ ରାଜ୍ୟ ଖାଦ୍ୟ ସୁରକ୍ଷା ଯୋଜନାରେ ୯୭୩ ପରିବାରର ୨୩ ହଜାର ୨୨୬ ଗୋଟି ରେସନ୍ କାର୍ଡରେ ୮୧ ହଜାର ୪୩୧ ହିତାଧିକାରୀଙ୍କୁ ୧୨,୨୧୨.୭୫ କ୍ୱିଣ୍ଟାଲ ଚାଉଳ ଯୋଗାଣ ହେବା ସହ ବଣ୍ଟନ ଚାଲିଛି । ତେବେ ନାଫେଡରୁ ମିଳିବାକୁ ଥିବା ୬୯୪.୨୬ କ୍ୱିଣ୍ଟାଲ ଡାଲି ବର୍ତ୍ତମାନ ସୁଦ୍ଧା ବ୍ଲକ କିମ୍ବା ପଞ୍ଚାୟତ ପଏଣ୍ଟକୁ ପହଞ୍ଚି ନଥିବାରୁ ଲୋକଙ୍କୁ ମିଳିନାହିଁ । ଏହାକୁ ନେଇ ଜନ ଅସନ୍ତୋଷ ବୃଦ୍ଧି ପାଉଥିବାବେଳେ ଖୁବ୍ ଶୀଘ୍ର ବ୍ଲକର ହିତାଧିକାରୀମାନଙ୍କୁ ଡାଲି ବଣ୍ଟନ କରାଯିବ ବୋଲି ଯୋଗାଣ ବିଭାଗ ସୂତ୍ରରୁ ଜଣାପଡିଛି ।