ଓଡ଼ିଆ ବାର୍ତ୍ତା/ ନୂଆପଡ଼ା (ରାହୁଲ ବାଗ): ବିଜେଡିର ୪୦ ଜଣିଆ ଷ୍ଟାର ପ୍ରଚାରକ ମଧ୍ୟରେ ଏକ ନମ୍ବରରେ ନବୀନ ପଟ୍ଟନାୟକ ଥିବାବେଳେ ୨ ନମ୍ବର ସ୍ଥାନରେ ଅଛନ୍ତି ଭିକେ ପାଣ୍ଡିଆନ। ତେବେ ଭିକେ ପାଣ୍ଡିଆନ ୨୭ ତାରିଖରେ ଭୁବନେଶ୍ୱର ସ୍ଥିତ ବିଜୁ ପଟ୍ଟନାୟକ ବିମାନବନ୍ଦରରୁ ସକାଳ ୭ଟା ୪୫ମିରେ ହେଲିକେପଟର ଯୋଗେ ବାହାରି ୮ ଟା ୩୫ରେ ଗୋତମା ଏୟାରଷ୍ଟ୍ରିଫରେ ପହଂଚିବେ। ପରେ ସେଠାରୁ ନୂଆପଡା ମିନି ଷ୍ଟାଡିଅମ ପର୍ଯ୍ୟନ୍ତ ୭ କି ମି ପର୍ଯ୍ୟନ୍ତ ରୋଡ ସୋ କରିବାର କାର୍ଯ୍ୟକ୍ରମ ରହିଛି। ମିନି ଷ୍ଟାଡିଅମ ଠାରେ ୯ ଟା ୩୦ମି ବେଳେ ଭି କେ ପାଣ୍ଡିଆନ ଏକ ବିଶାଳ ଜନସମାବେଶକୁ ସମ୍ବୋଧନ କରିବେ। ସେଠାରୁ ଗାଡିରେ ପୋଲିସ ପଡିଆ ଯାଇ ପୂର୍ବରୁ ଥିବା ହେଲିକେପଟର ଯୋଗେ କଳାହାଣ୍ଡି ଜିଲ୍ଲା ଧର୍ମଗଡ଼ ବିଧାନସଭା କ୍ଷେତ୍ର କୋକସରା ବ୍ଲକ ଓ ପରେ ଜୁନାଗଡ଼ ବିଧାନସଭା ଅନ୍ତର୍ଗତ ଗୋଲାମୁଣ୍ଡା ବ୍ଲକକୁ ଯାଇ ସେଠାରେ ମଧ୍ୟ ବିଶାଳ ଜନସମାବେଶକୁ ସମ୍ବୋଧନ କରିବେ। ଏ ନେଇ ନୂଆପଡା ବିଧାୟକ ତଥା ମନ୍ତ୍ରୀ ରାଜେନ୍ଦ୍ର ଢୋଲକିଆ ସୂଚନା ପ୍ରଦାନ କରିଛନ୍ତି।
