ଓଡ଼ିଆ ବାର୍ତ୍ତା/ କଳାହାଣ୍ଡି (ନିଲେଶ କୁମାର ନାଗ): ଭବାନୀପାଟଣା ସ୍ଥିତ ମହାବୀର ସାଂସ୍କୃତିକ ଅନୁଷ୍ଠାନ ଦ୍ବାରା ସପ୍ତାହ ବ୍ୟାପୀ ଆଯୋଜିତ ମହାବୀର ମହୋତ୍ସବର ଚତୁର୍ଥ ଦିନ ସନ୍ଧ୍ୟାରେ ହଜାର ହଜାର ଦର୍ଶକ ସଂସ୍କୃତିକ କାର୍ଯ୍ୟକ୍ରମକୁ ଉପଭୋଗ କରିଛନ୍ତି । ତୃତୀୟ ଦିନ ସକାଳ ୧୦ ଘଣ୍ଟା ସମୟରେ କଲେଜ ଛାତ୍ର ଛାତ୍ରୀଙ୍କ ମଧ୍ୟରେ ବକୃତା ଓ କଣ୍ଠ ସଙ୍ଗୀତ ପ୍ରତିଯୋଗିତା ଅନୁଷ୍ଠିତ ହୋଇଥିଲା । ସନ୍ଧ୍ୟାରେ ରଙ୍ଗାରଙ୍ଗ ସାମୁହିକ ନୃତ୍ୟ ପ୍ରତିଯୋଗୀତା ଅନୁଷ୍ଠିତ ହୋଇଥିଲା । ଏହି ନୃତ୍ୟ ପ୍ରତିଯୋଗୀତାକୁ ହଜାର ହଜାର ଦର୍ଶକ ମନଭରି ମଧ୍ୟ ରାତ୍ର ପର୍ଯ୍ୟନ୍ତ ଉପଭୋଗ କରିଥିଲେ । କାର୍ଯ୍ୟକ୍ରମର ଅତିଥି ଭାବରେ ସୁଦେଶନା ପଣ୍ଡା ସଭାପତି କଳାହାଣ୍ଡି ଲେଖିକା ସଂଘ, ଅକ୍ଷୟ କୁମାର ଦାସ ସମ୍ପାଦକ ବୃନ୍ଦାବନ ସାଂସ୍କୃତିକ ଅନୁଷ୍ଠାନ ଯୋଗ ଦେଇଥିଲେ । ଅନୁଷ୍ଠାନର ସଭାପତି ଶାନ୍ତନୁ କୁମାର ବେହେରା, ସମ୍ପାଦକ ସତ୍ୟ ନାରାୟଣ ସିଂହ, ଉପସ୍ଥିତ ରହିଥିଲେ । ସ୍ୱାଗତ ଭାଷଣ ଅନୁଷ୍ଠାନର କୋଷାଧ୍ୟକ୍ଷ ପ୍ରଦୀପ ସିଂହ ପ୍ରଦାନ କରିଥିବାବେଳେ ସଂଯୋଜନା କରିଥିଲେ ସଂଜୀବ କୁମାର ସିଂହ ।
