କବିତା: ଲାଜେଇ ପ୍ରେମିକା

✒️ପ୍ରିୟବ୍ରତ ପରିଡ଼ା

ସୁଢ଼ଳ ନୟନ ଗାଲ ତୋର ନାଲି
ଓଠ ତୋ ଗୋଲାପୀ କଢ଼ି,
ତୋ ହୃଦୟର ପ୍ରେମ ବର୍ଣ୍ଣବୋଧ
ପାରିବି କି ମୁହିଁ ପଢ଼ି ??

କାନରେ ଝୁମୁକା ମଥାରେ ଟିକିଲି
ସୁନ୍ଦର ତୋ କଳା କେଶ,
ବାରମ୍ବାର ହୁଏ ତୋ ପ୍ରେମେ ପାଗଳ
ଦେଖି ତୋ କୁଆଁରୀ ବେଶ ।।

କଅଁଳ ସଜ୍ଜଳ ହସକୁ ଦେଖିଲେ
ଆତ୍ମା ହୁଏ ମୋର ତୃପ୍ତି,
ଲାଗୁଛି କାହିଁକି ତୁମ ବିନା ଆଉ
ନାହିଁ ମୋର ଅନ୍ୟ ଗତି ।।

ଯଉବନ ତୋର ମାଦକର ନିଶା
ପିଇବାକୁ ଇଛା ନିତି,
ଜନ୍ମ ଜନ୍ମ ପାଇଁ କରିବି ପ୍ରତିକ୍ଷା
ମୋ ପ୍ରେମର ନାହିଁ ଇତି ।।

ଚାହିଁ ବସିଛି ଲୋ ଆସିବୁ ତୁ କେବେ
ବୋହୂରାଣୀ ମୋର ସାଜି,
ପ୍ରେମ ବରଷାରେ ପହିଲି ସ୍ପର୍ଶରେ
ଯିବି ତୋ ପ୍ରେମରେ ଭିଜି ।।

ହୁଅନ୍ତା କି ଥରେ ଏମିତି ମୋ ସାଥେ
ଯାଆନ୍ତୁ ମୋ ପ୍ରେମେ ଝୁମି,
ଶରଧାରେ ତୋତେ ନେବି ମୁଁ କୋଳାଇ
ମଥାରେ ଦେବି ତୋ ଚୁମି ।।

ଯୋରନ୍ଦା, ଢ଼େଙ୍କାନାଳ
ମୋ: ୮୨୬୦୨୫୮୧୨୦