କଳାହାଣ୍ଡି,୨୬/୧୨:
କେସିଙ୍ଗା ରେଂଜ ଅନ୍ତର୍ଗତ ତୁର୍ଲାଖମନ ବନ ସୁରକ୍ଷା ସମିତିରେ ଆମ ଜଙ୍ଗଲ ଯୋଜନାର ଏକ ଦିନିକିଆ ଦକ୍ଷତା ବିକାଶ ତାଲିମ ଶିବିର ଅନୁଷ୍ଠିତ ହୋଇଥିଲା। ଏହି ଶିବିରରେ କଶୃପଡା ବନପାଳ ଅଚ୍ୟୁତାନନ୍ଦ ପଟ୍ଟନାୟକ ମୁଖ୍ୟଅତିଥି, କଶୃପଡା କଲେଜର ଓଡିଆ ଅଧ୍ୟାପକ ଡକ୍ଟର ଅଜିତ କୁମାର ବେହେରା ଓ ବାସ୍ତବ ଏନଜିଓ ନିର୍ଦ୍ଦେଶକ ଅଭିଷେକ ଦାସ ପ୍ରଶିକ୍ଷଣ ଭାବରେ ଯୋଗଦେଇ କିପରି ଜଙ୍ଗଲକୁ ସୁରକ୍ଷା ଦିଆଯାଇ ପାରିବ ସେ ସମ୍ପର୍କରେ ଆଲୋଚନା କରିଥିଲେ।
ଏହି ଶିବିରରେ ଆମ ଜଙ୍ଗଲ ଯୋଜନାର ଟିମ ଲିଡର ବିକାଶ କୁମାର ତାଣ୍ଡି ପରିଚୟ ପ୍ରଦାନ ଓ ବିଟ୍ ବନରଖୀ କୈଳାସ ସାହୁ ଧନ୍ୟବାଦ ଅର୍ପଣ କରିଥିଲେ। ଏହି ଅବସରରେ ବନ ସୁରକ୍ଷା ସମିତିର ସଭାପତି ଓ ସଭ୍ୟମାନେ ଉପସ୍ଥିତ ଥିଲେ। ଏଥିରେ ଆମ ଜଙ୍ଗଲ ଯୋଜନାର ଦଳପତି ବିକାଶ ତାଣ୍ଡି, ଇନ୍ଦ୍ରମଣି ମାଝୀ , ଧରୋଜ ଦାସ ପ୍ରମୁଖ ଜଙ୍ଗଲ ଜମି ଅଧିକାର ସୁରକ୍ଷା ଉପରେ ଆଲୋଚନା କରିଥିଲେ।
