ବୌଦ୍ଧ: କଣ୍ଟାମାଳ ରେଞ୍ଜ ବରଗାଁ ଗ୍ରାମ ପଞ୍ଚାୟତ ଅନ୍ତର୍ଗତ ସୌରୀବେଙ୍ଗେସ ଗ୍ରାମ୍ୟ ଜଙ୍ଗଲରେ ନିଆଁ ଲାଗିଥିବା ଦେଖିବାକୁ ମିଳିଥିଲା । ଗ୍ରାମର ସ୍ୱେଚ୍ଛାସେବୀ ମନଧର କର୍ମୀ ଏ ସମ୍ପର୍କରେ ତୁରନ୍ତ ଫୋନ୍ ଯୋଗେ ବରଗାଁ ବିଟ୍ ର ଫରେଷ୍ଟ ଗାର୍ଡଙ୍କୁ ସୁଚନା ଦେଇଥିଲେ।
ଫରେଷ୍ଟ ଗାର୍ଡ ଭକ୍ତ ଚରଣ ଭୋଇ କର୍ମଚାରୀଙ୍କୁ ଧରି ଶନିବାର ରାତି ୯ ଘଣ୍ଟା ସମୟରେ ପହଂଚିବା ପରେ ଗ୍ରାମର ସ୍ୱେଚ୍ଛାସେବୀ ମନଧର କର୍ମୀ, ରୁପଲାଲ୍ ଭୋଇ ଓ ରାଜ କିଶୋର କର୍ମୀଙ୍କ ସହାୟତାରେ ମଧ୍ୟ ରାତ୍ରୀ ଯାଏଁ ପରିଶ୍ରମ କରି ନିଆଁକୁ ଆୟତ୍ତ କରିଥିଲେ। ସ୍ୱେଚ୍ଛାସେବୀଙ୍କ ଏଭଳି ମହତ କାର୍ଯ୍ୟକୁ ଜନସାଧାରଣ ରେ ପ୍ରଶଂସା କରିଛନ୍ତି। ସେମାନଙ୍କ ସୁଚନା ଓ ସହଯୋଗ ଯୋଗୁଁ ଅନେକ ବୃକ୍ଷ ଲତା ଓ ଜଂଗଲ ବନ୍ୟପ୍ରାଣୀ ବର୍ତ୍ତିଗଲେ ବୋଲି ଆଲୋଚନା ହେଉଛି।
ବୌଦ୍ଧରୁ ହୃଦାନନ୍ଦ ମେହେରଙ୍କ ରିପୋର୍ଟ OdiaBarta.in
