ଓଡ଼ିଆ ବାର୍ତ୍ତା/ ସିନାପାଲି (ରମେଶ ମେହେର): ନୂଆପଡ଼ା ଜିଲ୍ଲା ସିନାପାଲି ବ୍ଲକ ସ୍ତରୀୟ ଅନ୍ତର୍ଜାତୀୟ ଯୋଗ ଦିବସ ସ୍ଥାନୀୟ ଗାୟତ୍ରୀ ଶକ୍ତିପୀଠ ଠାରେ ପାଳିତ ହୋଇଯାଇଛି। ସିନାପାଲି ବ୍ଲକ ପ୍ରଶାସନ, ପତଞ୍ଜଳି ଯୋଗ ସମିତି ଓ ଗାୟତ୍ରୀ ଶକ୍ତିପୀଠର ମିଳିତ ଆନୁକୂଲ୍ଯରେ ଆୟୋଜିତ ଏହି ଯୋଗ ସମାବେଶରେ ଯୋଗ ସମିତିର ସଭାପତି ହୄଷିକେଶ ମେହେର ଅଧ୍ଯକ୍ଷତା କରିଥିଲେ। କାର୍ଯ୍ଯକ୍ରମରେ ମୁଖ୍ଯଅତିଥି ଭାବରେ ବିଡ଼ିଓ ଅବିନାଶ ଲାକ୍ରା ଓ ସମ୍ମାନିତ ଅତିଥି ଭାବରେ ଅତିରିକ୍ତ ତହସିଲଦାର ମନୋରଞ୍ଜନ କେରକେଟା, ବିଇଓ ଜିତେଂଦ୍ର କୁମାର ସେଠ, ଶକ୍ତିପୀଠର ବରିଷ୍ଠ ସଦସ୍ଯ ପୂର୍ଣ୍ଣଚଂଦ୍ର ମେହେର ପ୍ରମୁଖ ଯୋଗ ଦେଇ ସାଂପ୍ରତିକ ସମୟରେ ଶାରୀରିକ ଓ ମାନସିକ ସନ୍ତୁଳନ ବଜାୟ ରଖିବାରେ ପ୍ରତ୍ଯେକ ବ୍ଯକ୍ତିଙ୍କ ପାଇଁ ଯୋଗ ଅପରିହାର୍ଯ୍ଯ ବୋଲି କହିଥିଲେ। ପ୍ରାରମ୍ଭରେ ଯୋଗ ସମିତିର ସଂପାଦକ ନବୀନ ଚଂଦ୍ର ମେହେର ସମସ୍ତଙ୍କୁ ସ୍ବାଗତ କରିଥିଲେ। ଏଥିରେ ଶତାଧିକ ସାଧାରଣ ଲୋକ ଉପସ୍ଥିତ ରହିଥିବା ବେଳେ ସମସ୍ତଙ୍କୁ ଯୋଗ ପ୍ରଶିକ୍ଷକ ତ୍ରିନାଥ ମେହେର ଯୋଗଶିକ୍ଷା ଦେଇଥିଲେ। କାର୍ଯ୍ଯକ୍ରମ ଆୟୋଜନରେ ଜିପିଓ ସଞ୍ଜୟ ମହାନନ୍ଦ, ତ୍ରିନାଥ ମେହେର, ତରୁଣ କୁମାର ମେହେର, ଖୁସିରାମ ମେହେର, ଦିନେଶ ମେହେର ପ୍ରମୁଖ ସହଯୋଗ କରିଥିଲେ।ଅନ୍ଯମାନଙ୍କ ମଧ୍ଯରେ ଅରିଗଞ୍ଜନ ଯୋଷୀ, ପ୍ରଦୀପ ଜୈନ, ବାମଦେବ ଦାଶ, ନନ୍ଦ କୁମାର ପାତ୍ରଙ୍କ ସହ ଅନେକ ବିଶିଷ୍ଟ ବ୍ଯକ୍ତି ଯୋଗ ଦେଇଥିଲେ। ଶେଷରେ ରୂପେଶ ଚଂଦ୍ର ମେହେର ଧନ୍ଯବାଦ ଦେଇଥିଲେ।
