ଶିଶୁକୁ ଉଦ୍ଧାରକରି ଡାକ୍ତରଖାନା ନେଇଗଲେ ଚାଷୀ ଦୁଲାଲ ଚନ୍ଦ୍ର କାୟତ

କୋରାପୁଟ/ନବରଙ୍ଗପୁର,୧୬/୭: ନବରଙ୍ଗପୁର ଜିଲ୍ଲା ରାଇଘର ବ୍ଲକ ପୋରବେଲା ଗାଁ ଚାଷ ଜମିରୁ ଏକ ନବଜାତ ଶିଶୁ ପୁତ୍ର ଉଦ୍ଧାର ହୋଇଛି । ପ୍ରାପ୍ତ ସୂଚନା ଅନୁସାରେ ଆଜି ସକାଳେ ଏକ ନବଜାତ ଶିଶୁ ସ୍ଥାନୀୟ ଜମି କଡରେ ପଡିଥିବାର ଦୃଶ୍ୟ ସ୍ଥାନୀୟ ଲୋକେ ଦେଖିବାକୁ ପାଇ ଥିଲେ । ସୂଚନା ଆନୁଯାୟୀ ପୋରବେଲା ଗାଁର ଦୁଲାଲ ଚନ୍ଦ୍ର କାୟତ ନିଜ ଜମିକୁ ଚାଷ କରିବା ପାଇଁ ଯାଇଥିବା ବେଳେ ସେ ନବଜାତ ଶିଶୁ କାନ୍ଦିବାର ଶବ୍ଦ ଶୁଣିଥିଲେ । ଶବ୍ଦ ଶୁଣି ଦୁଲାଲା ସେଇ ନବଜାତ ଶିଶୁ ନିକଟିକୁ ଯାଇ ପହଞ୍ଚିଥିଲେ । ସେ ତୁରନ୍ତ ଉକ୍ତ ଶିଶୁଟିକୁ ଯୋଡ଼େଙ୍ଗା ଡାକ୍ତରଖାନାକୁ ନେଇ ଯାଇଥିଲେ । ସେଠାରେ ଡାକ୍ତର ସୁଧାଂଶୁ ସେଠି ଶିଶୁର ସ୍ୱାସ୍ଥ୍ୟ ପରୀକ୍ଷା କରି ଯୋଡ଼ିଙ୍ଗା ମେଡିକାଲ ରେ ରଖିଛନ୍ତି । ଖବରପାଇ ସ୍ଥାନୀୟ ପୋଲିସ ଏଏସଆଇ ପ୍ରଦୀପ କୁମାର ବାଘ ଜୋଡିଙ୍ଗା ମେଡିକାଲରେ ପହଞ୍ଚି ଘଟଣା ବିଷୟରେ ପଚାରି ବୁଝିଥିଲେ । କିଏ କେଉଁ ପରିସ୍ଥିତିରେ ନବଜାତ ଶିଶୁ ପୁତ୍ରକୁ ଫୋପାଡି ଚାଲିଯାଇଛି ସେ ସଂପର୍କରେ ପୋଲିସର ତଦନ୍ତ ଜାରି ରହିଥିବା ଜଣାପଡିଛି ।