ନୂଆପଡା : ବିଶ୍ୱ ପରିବେଷଣ ଦିବସରେ ଜନତାଙ୍କ ପାଖକୁ ସଚେତନତା ବାର୍ତା ପହଞ୍ଚାଇ ଏକ ସୁନ୍ଦର ସବୁଜ ବଳୟ ନିର୍ମାଣର ପ୍ରୟାସ କରିଛି ବନ ବିଭାଗ ।

ବୃକ୍ଷ ରୋପଣ ଦ୍ୱାରା କିପରି ପରିବେଶ ପ୍ରଦୂଷଣକୁ ରୋକାଯାଇ ପାରିବ, ବାୟୁମଣ୍ଡଳ ସନ୍ତୁଳିତ ହୋଇ ରହିବା ପାଇଁ ଆମେ କ’ଣ କରିବା ଉଚିତ ଏଭଳି ସଚେତନତା ବାର୍ତା ବନବିଭାଗ କର୍ମଚାରୀ ଶୋଭାଯାତ୍ରା ରେ ସ୍ଲୋଗାନ ଦେଉଥିବାର ନଜରରେ ଆସିଥିଲା ।

ଖରିଆର ରୋଡ ବିଜ୍ଞାପିତ ଅଂଚଳ ପରିଷଦ ଓ କୋମନା ବ୍ଲକରେ ବୁଧବାର ଉକ୍ତ ବନ ବିଭାଗ ରେଞ୍ଜ ପକ୍ଷରୁ ବିଶ୍ୱ ପରିବେଶ ଦିବସ ଅବସରରେ ସଚେତନତା ବାର୍ତା ନେଇ ଏକ ଶୋଭାଯାତ୍ରା କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଛି।

ଉଭୟ ବନ ବିଭାଗ ରେଞ୍ଜ ତରଫରୁ କାର୍ଯ୍ୟରତ ଅଧିକାରୀ ଏବଂ କର୍ମଚାରୀ ଗଣ ଶୋଭାଯାତ୍ରାରେ ବାହାରି ଖରିଆର ରୋଡ ଏବଂ କୋମନା ନଗର ପରିକ୍ରମା କରିଥିଲେ ।

ଖରିଆର ରୋଡ ବନ ବିଭାଗ ରେଞ୍ଜ ପକ୍ଷରୁ ଶୋଭାଯାତ୍ରାରେ ଫରେଷ୍ଟର ନିରଞ୍ଜନ ମାଝୀ ଙ୍କ ସଭାପତିତ୍ୱ ରେ କାର୍ଯ୍ୟକ୍ରମ କୁ ରମା ରଞ୍ଜନ ରାଉତ, ମନୋଜ କୁମାର ବାଗ, ସରୋଜ ମାଝୀ ଓ ଡମ୍ବରୁଧର ସାହୁ ସହଯୋଗ କରିଥିଲା ବେଳେ

କୋମନା ବନ ବିଭାଗ ରେଞ୍ଜ ତରଫରୁ ଅନୁଷ୍ଠିତ ଶୋଭାଯାତ୍ରା ରେ କୋମନା ରେଞ୍ଜର ଜଗଦୀଶ ଦୁରିଆ ଓ ଫରେଷ୍ଟର ଦୁର୍ଯ୍ୟୋଧନ ଦୀକ୍ଷିତ ଙ୍କ ଦ୍ୱାରା ବିଭାଗୀୟ କର୍ମଚାରୀ ଙ୍କ ସହଯୋଗ ରେ କାର୍ଯ୍ୟକ୍ରମ ପରିଚାଳିତ ହୋଇଥିଲା ।