୨୦୨୩ରେ ପାଳନ ହେବ ଶତ ବାର୍ଷିକୀ ଉତ୍ସବ
ଓଡ଼ିଆ ବାର୍ତ୍ତା/ କଳାହାଣ୍ଡି (ହେମନ୍ତ ସାହୁ): ଓଡ଼ିଶାର ଅଗ୍ରଣୀ ନାଟ୍ୟ ସଂଘ ହେଉଛି ଚନ୍ଦ୍ରମଣି ନାଟ୍ୟ ସଂଘ, ଯାହା ୧୯୨୩ ମସିହାରେ ପ୍ରତିଷ୍ଠା କରାଯାଇଥିଲା । ୨୦୨୩ରେ ଏହି ନାଟ୍ୟ ସଂସଦ ପାଳନ କରିବ ଶତ ବାର୍ଷିକୀ ସମାରୋହ । ଏଥି ପାଇଁ ଏକ ପ୍ରସ୍ତୁତି ବୈଠକ ମ.ରାମପୁର ଦୁର୍ଗା ମଣ୍ଡପ କ୍ଳବ୍ ଗୃହ ଠାରେ ଅନୁଷ୍ଠିତ ହୋଇଯାଇଅଛି । ସଭାପତି ପଦ୍ମ ଲୋଚନ ମିଶ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ବୈଠକର ଆରମ୍ଭରେ ପୂର୍ବତନ ସଦସ୍ୟ ସ୍ବର୍ଗତ ସତ୍ୟ ନାରାୟଣ ଶତପଥୀ ଏବଂ ସ୍ବର୍ଗତ ବୀରେନ୍ଦ୍ର ନାଥ ବାଣୁଆଙ୍କ ଆତ୍ମାର ମୁକ୍ତି ନିମନ୍ତେ ନୀରବ ପ୍ରାର୍ଥନା କରାଯାଇଥିଲା । ସଂପାଦକ ହେମନ୍ତ ସାହୁ, ଉପ ସଭାପତି ଚିତ୍ତ ରଞ୍ଜନ ବାଗ, ଯୁଗ୍ମ ସମ୍ପାଦକ ବିଭୂତି ଭୂଷଣ ମହାଖୁଡ, ସାଂସ୍କୃତିକ ସମ୍ପାଦକ ଶ୍ରୀପତି ପଟ୍ଟନାୟକ ମଞ୍ଚାସନ ରହିଥିଲେ । ସମସ୍ତ ସଦସ୍ୟ ଶତ ବାର୍ଷିକୀ ସମାରୋହକୁ ଧୁମ୍ ଧାମ୍ ରେ ପାଳନ କରିବା ନେଇ ମତ ପ୍ରକାଶ କରିଥଲେ । ସ୍ଥାୟୀ କମିଟି ସହ ଶତ ବାର୍ଷିକୀ ପାଳନ ପାଇଁ ଏକ ଏଗାର ଜଣିଆ କମିଟି ଗଠନ କରାଯାଇଥିଲା । ଏହି କମିଟିରେ ସର୍ବସମ୍ମତି କ୍ରମେ ଜୀବେଶ କୁମାର ପଣ୍ଡା, ବିକାଶ ରଞ୍ଜନ ସିଂହଦେଓ, ଦେବେଶ ମାଧବ ସିଂହ ଦେଓ, ଶ୍ରୀକାନ୍ତ ହୋତା, ସପନ କୁମାର ପଟ୍ଟନାୟକ, ରମାକାନ୍ତ ପ୍ରହରାଜ, ରାକେଶ ଶତପଥୀ, ନୀଳ ମାଧବ ସିଂହ ଦେଓ, ସତ୍ୟ ନାରାୟଣ ସାହୁ, ପ୍ରଦୀପ ସିଂହ (ବଡ ବାବୁ), ସଂଯୁକ୍ତା ପୁରୋହିତ ମନୋନୀତ ହେଇଥିଲେ ।ସ୍ଥାୟୀ କାର୍ଯ୍ୟକାରୀ କମିଟିର ସଦସ୍ୟ ଅଧ୍ୟାପକ ଶୈଳେନ୍ଦ୍ର ପ୍ରସାଦ ଆଚାର୍ଯ୍ୟ, ସନ୍ତୋଷ ଦୁବେ, ରଶ୍ମି ରଞ୍ଜନ ପ୍ରହରାଜ, ଦେବେନ୍ଦ୍ର ମହାନ୍ତି, ପୂର୍ଣ୍ଣ ଚନ୍ଦ୍ର ସାହୁ, ରଜନୀ କାନ୍ତ ବଗର୍ତ୍ତି, ଉପେନ୍ଦ୍ର ମହାଖୁଡ, ବୀରେନ୍ଦ୍ର ରଥ ପ୍ରମୁଖ ଉପସ୍ଥିତ ରହି ଆଲୋଚନାରେ ସକ୍ରିୟ ଅଂଶ ଗ୍ରହଣ କରିଥିଲେ । ଅନ୍ୟ ମାନଙ୍କ ମଧ୍ୟରେ ବରିଷ୍ଠ ସଦସ୍ୟ ଲଳିତ ମହାଳିକ, ଅଶୋକ ପଟ୍ଟନାୟକ, କୁବେର ମହାଖୁଡ, ମାଗୁଣି ପୁରୋହିତ, କମ୍ବୁ ପାଣି ମିଶ୍ର, ହିରେନ୍ଦ୍ର ପ୍ରତାପ ସିଂହ ଦେଓ, ଶରତ ଚନ୍ଦ୍ର ମହାରଣା, ମଳୟ ତ୍ରିପାଠୀ, ବାନମାଳୀ ଦଣ୍ଡସେନା, ବିକାଶ ଆଚାର୍ଯ୍ୟ, ଡମ୍ବରୁ ଧର ଭୋଇ, ଧୀରେନ୍ଦ୍ର ମହାନ୍ତି, ଜିତେନ୍ଦ୍ର ପାତ୍ର, ଲଳିତ ମହାଖୁଡ , କୁମର ମଣି ନାଗ, ପ୍ରଦୀପ କୁମାର ସିଂ, ଦାଶରଥି ଧଙ୍ଗଡା ମାଝୀ, ସତ୍ୟ ଜିତ୍ ଚାଟାର୍ଜୀ, ଗଙ୍ଗାଧର ପ୍ରହରାଜ, ପ୍ରଶାନ୍ତ ମହାରଣା ପ୍ରମୁଖ ଉପସ୍ଥିତ ଥିଲେ । ଆସନ୍ତା ନଭେମ୍ବର ମାସ କୋଡିଏ ତାରିଖରେ ପରିଚାଳନା କମିଟି ଓ ଶତ ବାର୍ଷିକୀ କମିଟିର ଏକ ବୈଠକ କରାଯାଇ ଶତ ବାର୍ଷିକୀ ସମାରୋହର ସମ୍ପୂର୍ଣ୍ଣ ରୂପ ରେଖ ପ୍ରସ୍ତୁତ କରାଯିବ ବୋଲି ସଂପାଦକ ଶ୍ରୀ ସାହୁ ସୂଚନା ପ୍ରଦାନ କରିବା ସହ ଧନ୍ୟବାଦ୍ ଅର୍ପଣ କରିଥିଲେ ।